ମୁମ୍ବାଇ: ଆଇପିଏଲ ୨୦୨୨ ଟୁର୍ଣ୍ଣାମେଣ୍ଟର ୨୬ତମ ମୁକାବିଲା ମୁମ୍ବାଇ ଇଣ୍ଡିଆନ୍ସ ଓ ଲକ୍ଷ୍ନୌ ସୁପର ଜିଆଣ୍ଟ୍ସ ମଧ୍ୟରେ ଖେଳାଯାଉଛି । ପ୍ରଥମେ ବ୍ୟାଟିଂ କରିଥିବା ଲକ୍ଷ୍ନୌ ସୁପର ଜିଆଣ୍ଟ୍ସ ନିର୍ଦ୍ଧାରିତ ୨୦ ଓଭରରେ ୪ ୱିକେଟ ହରାଇ ୧୯୯ ରନ୍ ସଂଗ୍ରହ କରିଛି । ଫଳରେ ମୁମ୍ବାଇ ଇଣ୍ଡିଆନ୍ସ ସାମ୍ନାରେ ୨୦୦ ରନ୍ର ବିଜୟ ଲକ୍ଷ୍ୟ ରହିଛି । ଲକ୍ଷ୍ନୌ ପକ୍ଷରୁ କ୍ୟାପଟେନ କେଏଲ ରାହୁଲ ଦମଦାର ଶତକୀୟ ଇଂନିସ ଖେଳିଛନ୍ତି ।
ଟୁର୍ଣ୍ଣାମେଣ୍ଟରେ ପ୍ରଥମ ବିଜୟ ଅପେକ୍ଷାରେ ଥିବା ମୁମ୍ବାଇ କ୍ୟାପଟେନ ରୋହିତ ଶର୍ମା ଟସ୍ ଜିତି ଲକ୍ଷ୍ନୌକୁ ପ୍ରଥମେ ବ୍ୟାଟିଂ ଆମନ୍ତ୍ରଣ କରିଥିଲେ । ଏହାପରେ ଲକ୍ଷ୍ନୌର ଦୁଇ ଷ୍ଟାର ଓପନର କେଏଲ ରାହୁଲଓ କ୍ବିଣ୍ଟନ ଡିକକ୍ ଅର୍ଦ୍ଧଶତକୀୟ ଭାଗିଦାରୀ ସହ ବଡ ସ୍କୋରର ମୂଳଦୁଆ ପକାଇଥିଲେ । ଉଭୟଙ୍କ ମଧ୍ୟରେ ୫.୩ ଓଭରରେ ୫୨ ରନ୍ର ଭାଗିଦାରୀ ହୋଇଥିଲା । ପରେ ପ୍ରଥମ ଖେଳାଳି ଭାବେ ଡିକକ୍, ଫାବିଏନ ଆଲେନଙ୍କ ଦ୍ବାରା ୨୪ ରନ୍ରେ ବ୍ୟାଟିଂ କରୁଥିବା ସମୟରେ ଆଉଟ୍ ହୋଇଥିଲେ ।