ଆବୁଧାବି: ଆଜି(ବୁଧବାର) ଆଇପିଏଲର ୫୨ତମ ଲିଗ ମୁକାବିଲାରେ ସାମ୍ନାସାମ୍ନି ହେବେ ଆରସିବି ଓ ସନରାଇଜର୍ସ ହାଇଦ୍ରାବାଦ । ସନରାଇଜର୍ସ ପାଇଁ ଏହି ମ୍ୟାଚ କିଛି ମାନ୍ୟତା ରଖୁନାହିଁ କାରଣ ପ୍ଲେ ଅଫ ଦୌଡରୁ ବାଦ ପଡି ସାରିଛି ଟିମ । ବାଙ୍ଗାଲୋର ପ୍ଲେ ଅଫରେ ସ୍ଥାନ ପକ୍କା କରିଥିଲେ ହେଁ ଶେଷ ଦୁଇ ମ୍ୟାଚରେ ବିଶାଳ ବିଜୟ ହାସଲ କରି ପଏଣ୍ଟ ଟେବୁଲ ତାଲିକାର ଦ୍ବିତୀୟ ସ୍ଥାନକୁ ଉଠିବା ପାଇଁ ଲକ୍ଷ୍ୟ ରଖିଛି ।
ଫର୍ମ ଓ ଷ୍ଟାର ଖେଳାଳିଙ୍କୁ ହରାଇଥିବା ସନରାଇଜର୍ସକୁ ହରାଇବାକୁ ଆଜି ସବୁ ଶକ୍ତି ଖଟାଇବ ବାଙ୍ଗାଲୋର । ଆରସିବି ଦଳ ସମ୍ପୂର୍ଣ୍ଣ ପ୍ରସ୍ତୁତ ରହିଛି । ଗ୍ଲେନ ମ୍ୟାକ୍ସୱେଲ ଫୁଲ ଫର୍ମରେ ରହିଥିବାବେଳେ ଆରିସିବି ବ୍ୟାଟିଂ ସ୍ଥିତି ସୃଦୁଢ ରହିଛି । ବୋଲିଂ ବିଭାଗ ମଧ୍ୟ ସନ୍ତୁଳିତ ରହିଛି । ଅନ୍ୟପଟେ ସନରାଇଜର୍ସ ଦଳ ସବୁ ବିଭାଗରେ ନୈରାଶ୍ୟଜନକ ପ୍ରଦର୍ଶନ କିରିଛି । ଗତ କିଛି ସିଜିନ ହେବ ସନରାଇଜର୍ସ ବିଫଳ ହୋଇଛି । ରାସିଦ ଖାନକୁ ଛାଡିଦେଲେ ଅନ୍ୟ କେହି ବୋଲର ଏ ପର୍ଯ୍ୟନ୍ତ ଦକ୍ଷତା ମୁତାବକ ପ୍ରଦର୍ଶନ କରିପାରି ନାହାନ୍ତି ।