ଦୁବାଇ:ଆଜି(ଶୁକ୍ରବାର) IPLର 35ତମ ମ୍ୟାଚରେ ଚେନ୍ନାଇ ସୁପର କିଙ୍ଗସକୁ ଭେଟିବ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର । ମୁମ୍ବାଇକୁ ମାତ୍ ଦେଇଥିବା ସୁପର କିଙ୍ଗସ୍ ବିଜୟ ଧାରା ବଜାୟ ରଖିବା ଲକ୍ଷ୍ୟରେ ମଇଦାନକୁ ଓହ୍ଲାଇବ । ସେହିପରି ପଏଣ୍ଟ ତାଲିକାର ଶୀର୍ଷରେ ପହଞ୍ଚିବା ପାଇଁ ଏହି ମ୍ୟାଚ୍ ଚେନ୍ନାଇ ପାଇଁ ଗୁରୁତ୍ବ ବହନ କରିବ । ଅପରପକ୍ଷରେ କୋଲକାତା ଠାରୁ ପରାସ୍ତ ହୋଇଥିବା ରୟାଲ୍ ବିଜୟ ଲକ୍ଷ୍ୟରେ ରହିବ ।
IPLର ଦ୍ବିତୀୟାର୍ଦ୍ଧରେ ଚମତ୍କାର ପ୍ରଦର୍ଶନ କରିଥିବା ଚେନ୍ନାଇର ଆତ୍ମବଳ ଦୃଢ ରହିଛି । ମଧ୍ୟକ୍ରମା ବ୍ୟାଟ୍ସମ୍ୟାନ ଅମ୍ବାତି ରାଇଡୁ ଅସୁସ୍ଥ ଅଛନ୍ତି, ତାଙ୍କ ସ୍ଥାନରେ ଦଳ ରବୀନ ଉଥପ୍ପାଙ୍କୁ ସୁଯୋଗ ଦେଇପାରେ ବୋଲି ଆଶା କରାଯାଉଛି । ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ହିରୋ ବନିଥିବା ଋତୁରାଜ ଗାଏକ୍ବାର୍ଡଙ୍କ ଉପରେ ସମସ୍ତଙ୍କ ନଜର ରହିବ ।