ଦୁବାଇ:ଆଇପିଏଲ ୨୦୨୧ର ୪୫ତମ ମ୍ୟାଚ୍ କୋଲକାତା ନାଇଟ ରାଇଡର୍ସ(KKR) ଓ ପଞ୍ଜାବ କିଙ୍ଗ୍ସ(PBKS) ମଧ୍ୟରେ ଖେଳାଯାଉଛି । ଟସ୍ ଜିତି ପଞ୍ଜାବ କିଙ୍ଗ୍ସ କ୍ୟାପଟେନ କେଏଲ ରାହୁଲ ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି । ଏଥିସହ ଇଆନ ମୋର୍ଗାନଙ୍କ KKRକୁ ବ୍ୟାଟିଂ ପାଇଁ ଆମନ୍ତ୍ରଣ କରିଛନ୍ତି ।
ପ୍ରଥମ ଟିମ ଭାବେ ଚେନ୍ନାଇ ସୁପର କିଙ୍ଗ୍ସ ପ୍ଲେ-ଅଫ୍ରେ ପ୍ରବେଶ କରିସାରିଥିବାବେଳେ ବାକି ୩ଟି ସ୍ଥାନ ପାଇଁ ପଏଣ୍ଟ ଟେବୁଲର ୬ଟି ଟିମ ମଧ୍ୟରେ ଲଢେଇ ଜାରି ରହିଛି । ପ୍ଲେ-ଅଫ୍ ରେସ୍ ଦୃଷ୍ଟିରୁ ଏହି ମ୍ୟାଚ୍ ଉଭୟ କୋଲକାତା ଓ ପଞ୍ଜାବ ପାଇଁ କର ବା ମର ସଦୃଶ । ଏହି ମ୍ୟାଚ୍ରେ ପରାଜୟ ପ୍ଲେ-ଅଫ୍ ଆଶାକୁ କ୍ଷୀଣ କରିବାର ସମ୍ଭାବନା ରହିଛି । ଫଳରେ ନିଶ୍ଚିନ୍ତ ବିଜୟ ଲକ୍ଷ୍ୟରେ ମୁହାଁମୁହାଁ ହେଉଛନ୍ତି ଦୁଇ ଟିମ ।
ଚୁଡାନ୍ତ ଏକାଦଶ ପଞ୍ଜାବ ତିନୋଟି ପରିବର୍ତ୍ତନ କରିଛି । ଲୁକି ଫର୍ଗୁସନଙ୍କ ସ୍ଥାନରେ ଫାବିଏଲ ଆଲେନ, ମନଦୀପ ସିଂହଙ୍କ ସ୍ଥାନରେ ମୟଙ୍କ ଅଗ୍ରୱାଲ ଫେରିଛନ୍ତି । ସେହିପରି ହରପ୍ରୀତ ବ୍ରାରଙ୍କ ସ୍ଥାନରେ ଶାହାରୁଖ ଖାନଙ୍କୁ ସୁଯୋଗ ମିଳିଛି ।
କେକେଆର ଚୁଡାନ୍ତ ଏକାଦଶରେ ମଧ୍ୟ ପରିବର୍ତ୍ତନ ହୋଇଛି । ଟିମ ଶୈଫର୍ଟ ଡେବ୍ୟୁ କରିଛନ୍ତି । ସନ୍ଦୀପ ୱାରିୟରଙ୍କ ସ୍ଥନରେ ଶିବମ ମାବିଙ୍କୁ ସୁଯୋଗ ମିଳିଛି ।