ଦୁବାଇ:ଇଣ୍ଡିଆନ ପ୍ରିମିୟର ଲିଗର ୩୨ତମ ମ୍ୟାଚ୍ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଉଛି । ପଞ୍ଜାବ କିଙ୍ଗ୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ଗୁରୁତ୍ବପୂର୍ଣ୍ଣ ମୁକାବିଲା ରହିଛି । ପ୍ଲେ-ଅଫ୍ ଦୌଡରେ ରହିବାକୁ ଉଭୟ ଟିମ ନିଶ୍ଚିନ୍ତ ଲକ୍ଷ୍ୟରେ ମଇଦାନକୁ ଓହ୍ଲାଇବେ ।
ଫଳରେ ଦର୍ଶକଙ୍କୁ ଏକ କଡା ସଂଘର୍ଷପୂର୍ଣ୍ଣ ମ୍ୟାଚ ଦେଖିବାକୁ ମିଳିବ ବୋଲି ଅନୁମାନ କରାଯାଉଛି । ତେବେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି, ପଞ୍ଜାବ କ୍ୟାପଟେନ କେଏଲ ରାହୁଲ । ଫଳରେ ପ୍ରଥମେ ବ୍ୟାଟିଂ କରିବ ସଞ୍ଜୁ ସାମସନଙ୍କ ରାଜସ୍ଥାନ ରୟାଲ୍ସ ।
ଉଭୟ PBKS ଓ RR ୩ଟି ଲେଖାଏଁ ବିଜୟରୁ ୬ ପଏଣ୍ଟ ହାସଲ କରି ତାଲିକାର ଶେଷ ଭାଗରେ ରହିଛନ୍ତି । ତେବେ ରାଜସ୍ଥାନ ଠାରୁ କେଏଲ ରାହୁଲଙ୍କ ପଞ୍ଜାବ ଅଧିକ ଗୋଟିଏ ମ୍ୟାଚ୍ ଖେଳିଥିବାରୁ ଏହି ମ୍ୟାଚରେ ବିଜୟ ସହ ଅଧିକ ବିଜୟ ଆବଶ୍ୟକ ରହିଛି ।