ଦୁବାଇ: ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଜାରି ରହିଛି ଚେନ୍ନାଇ ସୁପର କିଙ୍ଗ୍ସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଆଇପିଏଲ ୨୦୨୧ର ଏକ ଗୁରୁତ୍ବପୂର୍ଣ୍ଣ ମୁକାବିଲା । COVID ସଂକ୍ରମଣ ଯୋଗୁଁ ସ୍ଥଗିତ ଥିବା ଏହି ମେଗା ଟୁର୍ଣ୍ଣାମେଣ୍ଟ ରବିବାର ଠାରୁ ଆରମ୍ଭ ହୋଇଛି ।
ତେବେ ଟସ୍ ଜିତି ଚେନ୍ନାଇ କ୍ୟାପଟେନ୍ ମହେନ୍ଦ୍ର ସିଂହ ଧୋନି ପ୍ରଥମେ ବ୍ୟାଟିଂ ନିଷ୍ପତ୍ତି ନେବାପରେ ବିପର୍ଯ୍ୟୟର ସାମ୍ନା କରିଥିଲା ଟିମ । ପ୍ରଥମ ଓଭରରେ ଓପନର ଫାପ ଡୁପ୍ଲେସିସଙ୍କୁ ପ୍ୟାଭିଲିୟନ ଫେରାଇଦେଇଥିଲେ ଟ୍ରେଣ୍ଟ ବୋଲ୍ଟ । ପରେ ଦ୍ବିତୀୟ ଓଭରରେ ମୋଇନ ଅଲୀ ମଧ୍ୟ ମିଲନେଙ୍କ ଶିକାର ହୋଇଥିଲେ । ତୃତୀୟ ଓଭରରେ ରାଇନାଙ୍କୁ ନିଜର ଦ୍ବିତୀୟ ଶିକାର କରିଥିଲେ ବୋଲ୍ଟ ।