ଦୁବାଇ: ଦୁବାଇରେ ପହଞ୍ଚିଲେ ଇଣ୍ଡିଆନ ପ୍ରିମିୟର ଲିଗ୍(IPL) ଫ୍ରାଞ୍ଚାଇଜ ଦିଲ୍ଲୀ କ୍ୟାପିଟାଲ୍ସ ଖେଳାଳି । ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଭାରତୀୟ ସ୍କ୍ବାଡ୍ର ସଦସ୍ୟ ଥିବା DC ଖେଳାଳି ରବିବାର ସୁରକ୍ଷିତ ଭାବେ ଆଇପିଏଲ ୨୦୨୧ର ଅବଶିଷ୍ଟ ମ୍ୟାଚ୍ ଖେଳିବାକୁ ଦୁବାଇରେ ପହଞ୍ଚିଛନ୍ତି ।
COVID-19 କାରଣରୁ ମେ ମାସରେ ସ୍ଥଗିତ ଥିବା ଆଇପିଏଲ ୨୦୨୧, UAEରେ ସେପ୍ଟେମ୍ବର ୧୯ରୁ ଆରମ୍ଭ ହେବ । ଦୁବାଇରେ ପହଞ୍ଚିଥିବା ଦିଲ୍ଲୀ କ୍ୟାପିଟାଲ୍ସ ଖେଳାଳିଙ୍କ ମଧ୍ୟରେ ରହିଛନ୍ତି, ଋଷଭ ପନ୍ତ, ରବିଚନ୍ଦ୍ରନ ଅଶ୍ବିନ, ଅଜିଙ୍କ୍ୟ ରାହାଣେ, ଇଶାନ୍ତ ଶର୍ମା, ଅକ୍ଷର ପଟେଲ, ପୃଥ୍ବୀ ଶ ଓ ଉମେଶ ଯାଦବ । ବିମାନବନ୍ଦରରେ ପହଞ୍ଚିବା ପରେ ସମସ୍ତଙ୍କୁ COVID-19 ଟେଷ୍ଟର ସାମ୍ନା କରିବାକୁ ପଡିଛି ।