ଶାରଜାହ:ଆଇପିଏଲ ୨୦୨୧ର ୫୧ତମ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଉଛି । ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି ମୁମ୍ବାଇ କ୍ୟାପଟେନ ରୋହିତ ଶର୍ମା । ଫଳରେ ପ୍ରଥମେ ବ୍ୟାଟିଂ କରି ସଞ୍ଜୁ ସାମସନଙ୍କ ରାଜସ୍ଥାନ ରୟାଲ୍ସ ।
ପ୍ଲେ-ଅଫ୍ ଦୌଡ ଦୃଷ୍ଟିରୁ ଏହି ମ୍ୟାଚ୍ ଉଭୟ ଟିମ ପାଇଁ ଗୁରୁତ୍ବପୂର୍ଣ୍ଣ ରହିଛି । ବିଜୟୀ ଟିମର ପ୍ଲେ-ଅଫ୍ ଆଶା ବଜାୟ ରହିବ ଓ ପରାଜିତ ଟିମର ପ୍ଲେ-ଅଫ୍ ଆଶା ପ୍ରାୟତଃ ଶେଷ ହୋଇଯିବ ।
କର ବା ମର ମ୍ୟାଚ୍ରେ ରାଜସ୍ଥାନ ଚୂଡାନ୍ତ ଏକାଦଶରେ ଦୁଇଟି ପରିବର୍ତ୍ତନ କରିଛି । ମୟଙ୍କ ମାର୍କଣ୍ଡେଙ୍କ ସ୍ଥାନରେ ଶ୍ରେୟୟ ଗୋପାଳ ଓ କୁଲଦୀପ ଯାଦବଙ୍କୁ ଆକାଶ ସିଂହଙ୍କ ସ୍ଥାନରେ ସୁଯୋଗ ମିଳିଛି ।
ସେହିପରି ମୁମ୍ବାଇ ଚୂଡାନ୍ତ ଏକାଦଶରୁ ବାହାର ହୋଇଛନ୍ଚି କ୍ବିଣ୍ଟନ ଡିକ୍କ୍ ଓ ତାଙ୍କ ସ୍ଥାନରେ ଇଶାନ କିଶନଙ୍କୁ ସ୍ଥାନ ମିଳିଛି । କ୍ରୁଣାଳ ପାଣ୍ଡ୍ୟାଙ୍କ ସ୍ଥାନରେ ଜେମ୍ସ ନିଶାମଙ୍କୁ ମଧ୍ୟ ସାମିଲ କରିଛି ଟିମ ।