ନୂଆଦିଲ୍ଲୀ:କୋରୋନା କାୟାରୁ ବର୍ତ୍ତି ପାରିଲା ନାହିଁ ଇଣ୍ଡିଆନ ପ୍ରିମିଅର ଲିଗ୍ ( IPL) । କୋରୋନା ସଂକ୍ରମଣର ଦ୍ବିତୀୟ ଲହରରେ ଏକାଧିକ ଆଇପିଏଲ ଫ୍ରାଞ୍ଚାଇଜିର ଖେଳାଳି ସଂକ୍ରମିତ ହୋଇଛନ୍ତି । ଏହାପରେ ଆଇପିଏଲ 2021କୁ ସ୍ଥଗିତ କରି ଦିଆଯାଇଛି । ଏହାକୁ ନେଇ କ୍ରିକେଟ ଫ୍ୟାନ ନିରାଶା ଜାହିର କରିଛନ୍ତି । ବିସିସିଆଇ ପକ୍ଷରୁ ଆଇପିଏଲ ସ୍ଥଗିତ ହେବା ଖବର ମିଳିବା ପରେ ଟ୍ବିଟରରେ ଫ୍ୟାନମାନେ ଦୁଃଖ ପ୍ରକାଶ କରିଛନ୍ତି ।
ଚେନ୍ନାଇ ସୁପର କିଙ୍ଗ୍ସ, କୋଲକାତା ନାଇଟ ରାଇଡର୍ସ, ଦିଲ୍ଲୀ କ୍ୟାପିଟାଲ୍ସ ଓ ସନ ରାଇଜର୍ସ ହାଇଦ୍ରାବାଦର ବହୁ ଖେଳାଳି କିମ୍ବା ସପୋର୍ଟ ଷ୍ଟାଫ୍ ମାରାତ୍ମକ କୋରୋନା ଭାଇରସ ସଂକ୍ରମିତ ହୋଇଛନ୍ତି । ଏଭଳି ସ୍ଥିତିରେ ଅଧାରୁ ଆଇପିଏଲ ସ୍ଥିଗତ ରଖିବାକୁ ନିଷ୍ପତ୍ତି ନେବାକୁ ବାଧ୍ୟ ହୋଇଛି ବିସିସିଆଇ । ଏହାକୁ ନେଇ ସୋସିଆଲ ମିଡିଆରେ ମେମ୍ ମଧ୍ୟ ସେୟାର ହେବାରେ ଲାଗିଛି ।
ଜଣେ ଫ୍ୟାନ ରୟାଲ୍ସ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ନେଇ ମେମ ସେୟାର କରି କହିଛନ୍ତି, ଯେତେବେଳେ ତୁମ ଦଳ ଭଲ ପ୍ରଦର୍ଶନ କରୁଥିବା ଓ ଏହାପରେ ଆଇପିଏଲ ସ୍ଥଗିତ ହୋଇଯିବ । ଏହାର କାରଣ ଚଳିତ ସିଜିନରେ RCB ଦଳ ଭଲ ପ୍ରଦର୍ଶନ କରିଛି ।
ଜଣେ ଫ୍ୟାନ ଫଟୋ ସେୟାର କରି ଦୁଃଖ ପ୍ରକାଶ କରିଛନ୍ତି ।
ଆଇପିଏଲ ସ୍ଥଗିତ ହେବା ନେଇ ଜଣେ ଫ୍ୟାନ କେକେଆରର ବରୁଣ ଚକ୍ରବର୍ତ୍ତୀଙ୍କୁ ଦାୟୀ କରିଛନ୍ତି ।