ଦୁବାଇ:ଦିଲ୍ଲୀ କ୍ୟାପିଟାଲ୍ସ ବୁଧବାର ଆଇପିଏଲ ୨୦୨୧ରେ UAE ଲିଗ୍ରେ ଜବରଦସ୍ତ ବିଜୟରୁ ଶୁଭାରମ୍ଭ କରିଛି । ସନରାଇଜର୍ସ ହାଇଦ୍ରାବାଦ(SRH) କୁ ହରାଇ ପଏଣ୍ଟ ଟେବୁଲର ଶୀର୍ଷ ସ୍ଥାନରେ ପହଞ୍ଚିଯାଇଛି । ମାତ୍ର ଅଲରାଉଣ୍ଡର ମାର୍କସ ଷ୍ଟୋଇନିସ ଆହତ ହୋଇଥିବାରୁ DCକୁ ବଡ ଝଟକା ଲାଗିଛି ।
କୋଚ୍ ରିକି ପଣ୍ଟିଂଙ୍କୁ ଷ୍ଟୋଇନିସଙ୍କ ଆହତ ରିପୋର୍ଟର ଅପେକ୍ଷା ରହିଛି । ଅଷ୍ଟ୍ରେଲୀୟ ଖେଳାଳି ଷ୍ଟୋଇନିସ SRH ବିପକ୍ଷ ମ୍ୟାଚ୍ରେ ମାଂସପେଶୀରେ ଯନ୍ତ୍ରଣା ଅନୁଭବ କରିଥିଲେ । ଷ୍ଟୋଇନିସ ନିଜର ଦ୍ବିତୀୟ ଓଭର ବୋଲିଂ କରୁଥିବା ସମୟରେ ମାଂସପେଶୀ ଟାଣି ହୋଇଯାଇଥିଲା, ଏହାପରେ ତାଙ୍କୁ ପଡିଆ ଛାଡିବାକୁ ପଡିଥିଲା । ସେ ମାତ୍ର ୭ଟି ବଲ୍ ବୋଲିଂ କରିଥିଲେ ।