ଶାରଜାହା: ଚଳିତ IPLରେ ଚେନ୍ନାଇର ବିଜୟ ଧାରା ଜାରି । ଗତକାଲି ଆଇପିଏଲର ୩୫ତମ ମ୍ୟାଚରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୬ ଓ୍ବିକେଟରେ ହରାଇଛି ଚେନ୍ନାଇ ସୁପର କିଙ୍ଗସ । ଫଳରେ ନିଜର ବିଜୟ ଧାରା ଜାରି ରଖି ପଏଣ୍ଟ ଟେବୁଲର ଶୀର୍ଷରେ ରହିଛି CSK । ପ୍ରଥମେ ଧୋନିଙ୍କ ବାହିନୀ ଟସ୍ ଜିତି କୋହଲି ବାହିନୀଙ୍କୁ ବ୍ୟାଟିଙ୍ଗ ପାଇଁ ଆମନ୍ତ୍ରଣ କରିଥିଲେ । ଫଳରେ ୨୦ ଓଭର ଶେଷ ଶୁଦ୍ଧା RCB ୬ ଓ୍ବିକେଟ ହରାଇ ୧୫୬ ରନ କରିବାକୁ ସକ୍ଷମ ହୋଇଥିଲା ।
IPL 2021: ୬ ୱିକେଟରେ RCBକୁ ହରାଇଲା CSK
କାମ ଦେଲାନୀ କୋହଲି ଓ ପାଦିକ୍କଲଙ୍କ ଅର୍ଦ୍ଧଶତକ । ୬ ଓ୍ବିକେଟରେ RCBକୁ ହରାଇଲା CSK । ଅଧିକ ପଢନ୍ତୁ...
IPl2021: ୬ ଓ୍ବକେଟରେ RCBକୁ ହରାଇଲା CSK
ଏହା ପରେ CSKକୁ ୧୫୭ ରନର ବିଜୟ ଲକ୍ଷ୍ୟ ଦେଇଥିଲା । ଶେଷରେ ଚେନ୍ନାଇ ସୁପର କିଙ୍ଗସ ୪ ଓ୍ବିକେଟ ହରାଇ ୧୫୭ ରନ୍ ସଂଗ୍ରହ କରି ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୬ ଓ୍ବିକେଟରେ ପରାସ୍ତ କରିଥିଲା । ଦଳ ପକ୍ଷରୁ ଋତୁରାଜ ଗାଏକ୍ବାଡ ୩୮, ଫାପ ଡୁ ପ୍ଲେସି ୩୧ , ମୋଇନ ଅଲୀ ୨୩, ଅମ୍ବାତି ରାୟୁଡୁ ୩୨ ରନ କରି ଦଳର ବିଜୟ ପଥକୁ ଆଗକୁ ନେଇଥିଲେ । ସୁରେଶ ରାଇନାଙ୍କ ଅପରାଜିତ ୧୭ ରନ୍ ଓ ଧୋନିଙ୍କ ୧୧ ରନ ବଳରେ ଦଳ ୧୯ ଓଭର ପୂର୍ବରୁ ବିଜୟୀ ହୋଇଥିଲା ।
ସେପଟେ RCB ପକ୍ଷରୁ କ୍ୟାପଟେନ ବିରାଟ କୋହଲି ୪୧ ବଲ୍ରୁ ୬ ଚୌକା ଓ ଗୋଟିଏ ଛକା ସହାୟତାରେ ୫୩ ରନ୍ କରି ଅର୍ଦ୍ଧଶତକ ହାସଲ କରିଥିବା ବେଳେ ଦେବଦତ୍ତ ପାଦିକ୍କଲ ୫୦ ବଲ୍ରୁ ୫ ଚୌକା ଓ ୩ ଛକା ସହାୟତାରେ ୭୦ ରନ୍ କରି ଅର୍ଦ୍ଧଶତକ ହାସଲ କରିଥିଲେ । କିନ୍ତୁ ଶେଷରେ ଗତକାଲି RCB ପରାଜୟ ବରଣ କରିଥିଲା ।