ହାଇଦ୍ରାବାଦ: ଇଣ୍ଡିଆନ ପ୍ରିମିୟର ଲିଗରେ (Indian Premier League) ଆଗାମୀ ସିଜିନ ପାଇଁ କୋଲକାତା ତରଫରୁ ପ୍ରଶିକ୍ଷକ ଭାର ସମ୍ଭାଳିବାକୁ ଯାଉଛନ୍ତି ଚନ୍ଦ୍ରକାନ୍ତ ପଣ୍ଡିତ । ଏନେଇ କୋଲକାତା ନାଇଟ ରାଇଡର୍ସ (Kolkata Knight Riders) ଫ୍ରେଞ୍ଚାଇଜ ଆଜି(ବୁଧବାର) ଘୋଷଣା କରିଛି । ନ୍ୟୁଜଲାଣ୍ଡର ବ୍ରେଣ୍ଡନ ମ୍ୟାକୁଲମ କୋଲକାତାର ପ୍ରଶିକ୍ଷକ ପଦ ଛାଡିବା ପରେ କୋଲକାତା ଏହି ପଦବୀକୁ ପୂରଣ କରିବାକୁ ଚାହୁଁଥିଲା । ଶେଷରେ ପ୍ରଥମ ଶ୍ରେଣୀ କ୍ରିକେଟରେ ଆଗ ଧାଡିର ପ୍ରଶିକ୍ଷକ ଚନ୍ଦ୍ରକାନ୍ତ ପଣ୍ଡିତଙ୍କୁ ମୁଖ୍ୟ କୋଚ ଭାବରେ ଘୋଷଣା କରିଛି କୋଲକାତା ।
ଏନେଇ କେକେଆର ସିଇଓ ଭେଙ୍କି ମୈସୁର କହିଛନ୍ତି "ଆଗାମୀ ଆଇପିଏଲ ସିଜିନରେ ଚନ୍ଦୁ କୋଲକାତା ପରିବାର ତରଫରୁ ପ୍ରଶିକ୍ଷଣ ନେତୃତ୍ବ ନେବାରୁ ଯାଉଛନ୍ତି ଏଥିପାଇଁ ଆମେ ବହୁତ ଉତ୍ସାହିତ ଅଛୁ । ଆମେ ଆମର ଅଧିନାୟକ ଶ୍ରେୟାସ ଆୟାର ଏବଂ ଚନ୍ଦ୍ରକାନ୍ତ ପଣ୍ଡିତଙ୍କ ଆଗାମୀ ଟିମ ଲିଡିଙ୍ଗକୁ ନେଇ ବହୁତ ଉତ୍ସାହିତ ଅଛୁ ।"