ନୂଆଦିଲ୍ଲୀ: ଆଇପିଏଲ 17 ତମ ସଂସ୍କରଣ ନିଲାମୀ ପାଇଁ ଖେଳାଳିଙ୍କ ତାଲିକା ଘୋଷଣା କରିଛି ବିସିସିଆଇ । ତାଲିକାରେ ନିଲାମୀ ପାଇଁ ମୋଟ 333 ଖେଳାଳିଙ୍କ ନାମ ରହିଛି । ସେମାନଙ୍କ ମଧ୍ୟରୁ 214 ଜଣ ଭାରତୀୟ ଏବଂ 119 ଜଣ ବିଦେଶୀ ଖେଳାଳି ରହିଛନ୍ତି । ଅସ୍ଥାୟୀ ସଦସ୍ୟ ରାଷ୍ଟ୍ରରୁ 2 ଜଣ ଖେଳାଳିଙ୍କ ନାମ ତାଲିକାରେ ରହିଛି । ଆସନ୍ତା ଡିସେମ୍ବର 19 ତାରିଖରେ ଦୁବାଇରେ କୋକାକୋଲା ଏରେନାରେ ନିଲାମୀ ପ୍ରକ୍ରିୟା ଅନୁଷ୍ଠିତ ହେବ ।
ପୁରା ଟିମ୍ ଗଠନ ପାଇଁ 10ଟି ଫ୍ରାଞ୍ଜାଇଜ ନିକଟରେ 77ଟି ସ୍ଲଟ ରହିଥିବା ବେଳେ 30ଟି ସ୍ଲଟ ବିଦେଶୀ ଖେଳାଳିଙ୍କ ପାଇଁ ରହିଛି । ନିଲାମୀ ତାଲିକାରେ ଥିବା ଖେଳାଳିଙ୍କ ମଧ୍ୟରୁ 23 ଜଣଙ୍କ ନାମ ସର୍ବାଧିକ ବେସ ପ୍ରାଇସ 2 କୋଟି ଟଙ୍କା ତାଲିକାରେ ପଞ୍ଜିକରଣ ହୋଇଛି । ବେସ ପ୍ରାଇସ ଦେଢ କୋଟି ଟଙ୍କା ତାଲିକାରେ 13 ଜଣ ଖେଳାଳି ରହିଛନ୍ତି । ସେହିପରି ଏର କୋଟି ବେସ ପ୍ରାଇସ ତାଲିକାରେ 14 ଜଣ ଖେଳାଳିଙ୍କ ନାମ ରହିଛି । କୋଲକାତା ନାଇଟ ରାଇଡର୍ସରୁ ମୁକ୍ତ ହୋଇଥିବା ଶାର୍ଦ୍ଦୁଲ ଠାକୁର ଏବଂ ହର୍ସଲ ପଟ୍ଟେଲଙ୍କ ବେସ ପ୍ରାଇସ 2 କୋଟି ଟଙ୍କା ରହିଛି । ଇଂଲଣ୍ଡ ଓ ଅଷ୍ଟ୍ରେଲିଆର 7 ଜଣ ଖେଳାଳିଙ୍କ ବେସ ପ୍ରାଇସ 2 କୋଟି ରହିଛି । ଦିନିକିଆ ବିଶ୍ବକପରେ ଦମଦାର ପ୍ରଦର୍ଶନ କରିଥିବା ରଚିନ ଓ ଓମାରଜାଇଙ୍କ ବେସ ପ୍ରାଇସ 50 ଲକ୍ଷ ଟଙ୍କା ରହିଛି ।