ହାଇଦ୍ରାବାଦ: ଆଉ ଗୋଟିଏ ଦିନ ପରେ ଆଇପିଏଲ୍ ୨୦୨୪ ପାଇଁ ହେବ ମିନି ଅକ୍ସନ । ବିଶ୍ବର ସବୁଠାରୁ ବଡ଼ କ୍ରିକେଟ୍ ପ୍ରିମିୟର୍ ଲିଗ୍ ପାଇଁ ଦୁବାଇରେ ହେବ ନିଲାମୀ ପ୍ରକ୍ରିୟା । ଏହାର ବେଶ ପୂର୍ବରୁ ସମସ୍ତ ଦଳ ନିଜ ନିଜର ପସନ୍ଦର ଖେଳାଳିଙ୍କୁ ରିଟେନ୍ ରଖି ଅନ୍ୟମାନଙ୍କୁ ଅକ୍ସନ ପାଇଁ ରିଲିଜ୍ କରିଛନ୍ତି । ତେଣୁ ଅକ୍ସନରେ ଏଥର ବହୁ ବଡ଼ ବଡ଼ ଚେହେରାଙ୍କୁ ନିଜ ଦଳରେ ସାମିଲ କରିବାକୁ ନଜର ରଖିଛନ୍ତି ବିଭିନ୍ନ ଫ୍ରାଞ୍ଚାଇଜ୍ । ହେଲେ ଏମାନଙ୍କ ପାଇଁ ଲାଗିପାରେ ବହୁତ ବଡ଼ ବଡ଼ ବିଡ୍ । କେତେକ ଷ୍ଟାର ପ୍ଲେୟାର ନିଜ ନିଜର ବେସ୍ ପ୍ରାଇସ୍ ମଧ୍ୟ ୧ରୁ ୨ କୋଟି ପର୍ଯ୍ୟନ୍ତ ରଖିଛନ୍ତି ।
ଏଥର ଅକ୍ସନ ପୂର୍ବରୁ ବିଭିନ୍ନ ଦଳ ଅନେକ ଦାମୀ ଖେଳାଳିଙ୍କୁ ରିଲିଜ କରି ସମସ୍ତଙ୍କୁ ଚକିତ କରିଛନ୍ତି । କୋଲକାତାର ଶାର୍ଦ୍ଦୁଲ ଠାକୁର ଓ ଲକି ଫର୍ଗୁସନଙ୍କୁ ରିଲିଜ୍ କରିବା ଯେତିକି ଆଶ୍ଚର୍ଯ୍ୟ କରିଛି, ବାଙ୍ଗାଲୋର ହର୍ଷଲ ପଟେଲ, ୱାନିନ୍ଦୁ ହସରଙ୍ଗା ଓ ଜୋଶ ହାଜଲେଉଡ୍ଙ୍କୁ ରିଲିଜ କରି ସମସ୍ତଙ୍କୁ ଚକିତ କରିଦେଇଛି । ତେବେ ଏମାନଙ୍କ ଭଳି ଟପ୍ କ୍ଲାସ୍ ଖେଳାଳିଙ୍କ ଉପରେ ଏଥର ମଧ୍ୟ ବଡ଼ ବିଡ୍ ଆସିବାର ସମ୍ଭାବନା ରହିଛି । ହେଲେ ଏମାନଙ୍କ ମଧ୍ୟରୁ କିଛି ସେମାନଙ୍କ ବେସ୍ ପ୍ରାଇସ୍ ମଧ୍ୟ ୨ କୋଟି ସ୍ଥିର କରିଛନ୍ତି । କିଛି ୧.୫ କୋଟି ଓ କେତେକ ୧ କୋଟି ଲେଖାଏଁ ବେସ୍ ପ୍ରାଇସ୍ ସହ ଅକ୍ସନ ପାଇଁ ନିଜ ନାମକୁ ଚୂଡ଼ାନ୍ତ କରିଛନ୍ତି । ନଜର ପକାନ୍ତୁ ୧ କୋଟିରୁ ୨ କୋଟି ମଧ୍ୟରେ ରହିଥିବା କିଛି ଟପ୍ କ୍ଲାସ୍ ଖେଳାଳିଙ୍କ ଉପରେ..
ଏହା ମଧ୍ୟ ପଢ଼ନ୍ତୁ...ମିନି-ଅକ୍ସନକୁ ଆଉ ଗୋଟିଏ ଦିନ, ଜାଣନ୍ତୁ କେତେବେଳେ ଓ କେମିତି ଦେଖିବେ