ଦୁବାଇ: ସରିଛି ଆଇପିଏଲ୍ ୨୦୨୪ ପାଇଁ ମିନି ଅକ୍ସନ । ପ୍ରଥମ ଥର ପାଇଁ ବିଦେଶରେ ହୋଇଥିବା ନିଲାମୀ ପ୍ରକ୍ରିୟାରେ ଲେଖା ହୋଇଛି ଇତିହାସ । ପ୍ରଥମ ଥର ପାଇଁ ୨୦ କୋଟି ଟଙ୍କାରୁ ଊର୍ଦ୍ଧ୍ବରେ ବିକ୍ରି ହୋଇଛନ୍ତି ଦୁଇ ଖେଳାଳି । ଦୁବାଇର କୋକାକୋଲା ଏରିନାରେ ହୋଇଥିବା ଏହି ମିନି ଅକ୍ସନରେ ସନ୍ରାଇଜର୍ସ ହାଇଦ୍ରାବାଦ ପ୍ୟାଟ୍ କମିନ୍ସଙ୍କୁ ୨୦.୫୦ କୋଟି ଟଙ୍କାରେ କିଣି ଆଇପିଏଲ୍ ଇତିହାସର ସବୁଠାରୁ ମହଙ୍ଗା ଖେଳାଳି ସାବ୍ୟସ୍ତ କରିଥିଲା । ହେଲେ ମାତ୍ର କିଛି ସମୟ ମଧ୍ୟରେ ସବୁ ରେକର୍ଡ ଭାଙ୍ଗି ଆଗକୁ ଆସିଥିଲେ ଅଷ୍ଟ୍ରେଲୀୟ ବାମହାତୀ ସ୍ପିଡ୍ଷ୍ଟାର ମିଚେଲ୍ ଷ୍ଟାର୍କ । ସେ ୨୪.୭୫ କୋଟିରେ କୋଲକାତା ନାଇଟ୍ ରାଇଡର୍ସକୁ ବିକ୍ରି ହୋଇଥିଲେ । ତେବେ ଏଥର ଅକ୍ସନରେ ଅବିଶ୍ବସନୀୟ ଭାବେ କିଛି ଷ୍ଟାର ଖେଳାଳି ମଧ୍ୟ ଅନ୍ସୋଲ୍ଡ ହୋଇଛନ୍ତି । ଅନ୍ୟପଟେ କିଛି ଅନ୍କ୍ୟାପଡ୍ ଖେଳାଳି ବେଶ ଭଲ ଟଙ୍କାରେ ବିକ୍ରି ହୋଇ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ତେବେ ନଜର ପକାନ୍ତୁ ଆଜିର ଅକ୍ସନରେ ସବୁ ଦଳ କିଣିଥିବା ବିଭିନ୍ନ ଖେଳାଳିଙ୍କ ଉପରେ ।
ଚେନ୍ନାଇ ସୁପର କିଙ୍ଗସ: ଡେରାଇଲ ମିଚେଲ (୧୪ କୋଟି), ସମୀର ରିଜଭୀ (୮.୪ କୋଟି), ଶାର୍ଦ୍ଦୁଲ ଠାକୁର (୪ କୋଟି), ମୁସ୍ତାଫିଜୁର ରେହମାନ (୨ କୋଟି), ରଚିନ ରବୀନ୍ଦ୍ର (୧.୮ କୋଟି), ଅବିନାଶ ରାଧ ଆରଭେଲୀ (୨୦ ଲକ୍ଷ)
କୋଲକାତା ନାଇଟ ରାଇଡର୍ସ: ମିଚେଲ ଷ୍ଟାର୍କ (୨୪.୭୫ କୋଟି), ମୁଜୀବ ଉର ରହମାନ (୨ କୋଟି), ଶେର୍ଫନ ରଦରର୍ଫୋଡ (୧.୫୦ କୋଟି), ଗସ ଅଟକିନସନ (୧ କୋଟି), କେଏସ ଭରତ (୫୦ ଲକ୍ଷ), ଚେତନ ସାକାରିୟା (୫୦ ଲକ୍ଷ), ଅଙ୍ଗକ୍ରିଶ ରଘୁବଂଶୀ (୨୦ ଲକ୍ଷ), ରମଣଦୀପ ସିଂହ (୫୦ ଲକ୍ଷ), ମନୀଷ ପାଣ୍ଡେ (୫୦ ଲକ୍ଷ), ସାକିବ ହୁସେନ (୨୦ ଲକ୍ଷ)
ସନରାଇଜର୍ସ ହାଇଦ୍ରାବାଦ: ପାଟ କମିନ୍ସ (୨୦.୫ କୋଟି), ଟ୍ରାଭିସ ହେଡ (୬.୮୦ କୋଟି), ଜୟଦେବ ଉନାଦକଟ (୧.୬୦ କୋଟି), ୱାନିନ୍ଦୁ ହସରଙ୍ଗା (୧.୫୦ କୋଟି), ଆକାଶ ସିଂହ (୨୦ ଲକ୍ଷ), ଜତାଭେଦ ସୁବ୍ରମଣ୍ୟନ (୨୦ ଲକ୍ଷ)
ମୁମ୍ବାଇ ଇଣ୍ଡିଆନ୍ସ: ଗେରାଲ୍ଡ କୋଏଜି (୫ କୋଟି), ନୁୱାନ ତୁଶାରା (୪.୮୦ କୋଟି), ଦିଲସାନ ମଧୁଶଙ୍କା (୪.୬ କୋଟି), ମହମ୍ମଦ ନବି (୧.୫ କୋଟି), ଶ୍ରେୟସ ଗୋପାଲ (୨୦ ଲକ୍ଷ), ଅନଶୁଲ କାମ୍ବୋଜ (୨୦ ଲକ୍ଷ)
ଦିଲ୍ଲୀ କ୍ୟାପିଟାଲ୍ସ: କୁମାର କୁଶଗ୍ରା (୭.୨୦ କୋଟି), ଝାଇ ରିଚାର୍ଡସନ (୫ କୋଟି), ହ୍ୟାରୀ ବ୍ରୁକ (୪ କୋଟି), ସୁମିତ କୁମାର (୧ କୋଟି), ସାଇ ହୋପ (୭୫ ଲକ୍ଷ), ଟ୍ରିଷ୍ଟାନ ଷ୍ଟବ୍ସ (୫୦ ଲକ୍ଷ), ରିକି ଭୂଇ (୨୦ ଲକ୍ଷ), ରସିକ ଧର (୨୦ ଲକ୍ଷ), ସ୍ବସ୍ତିକ ଚିକାରା (୨୦ ଲକ୍ଷ)