ମୁମ୍ବାଇ: ଚଳିତ ଆଇପିଏଲ ଟୁର୍ଣ୍ଣାମେଣ୍ଟର(IPL 2022) ୫୧ତମ ମ୍ୟାଚ ମୁମ୍ବାଇ ଇଣ୍ଡିଆନ୍ସ(MI) ଓ ଗୁଜୁରାଟ ଟାଇଟନ୍ସ (GT) ମଧ୍ୟରେ ରହିିଛି । ୫ଥର ଟାଇଟଲ ହାତେଇଥିବା ତଥା ଆଇପିଏଲ ଟୁର୍ଣ୍ଣାମେଣ୍ଟ ଇତିହାସର ସଫଳତମ ଟିମ ମୁମ୍ବାଇ ଇଣ୍ଡିଆନ୍ସର ପ୍ରର୍ଦଶନ ଚଳିତ ସଂସ୍କରଣରେ ନୈରାଶ୍ୟଜନକ ରହିଛି ।
ଭେଟେରାନ ରୋହିତ ଶର୍ମାଙ୍କ ନେତୃତାଧୀନ ଏହି ଟିମ ଏଯାବତ ୯ଟି ମ୍ୟାଚ୍ ଖେଳି ମାତ୍ର ଗୋଟିଏ ମ୍ୟାଚ୍ ଜିତିପାରିଛି । ଏପରିକି ଅଲୋଡା ରେକର୍ଡ ସହ ଲଗାତାର ୮ଟି ମ୍ୟାଚ୍ରେ ପରାଜୟ ପରେ ନବମ ମ୍ୟାଚ୍ରେ ବିଜୟୀ ହୋଇଥିଲା । ଫଳରେ ପ୍ରଥମ ଟିମ ଭାବେ ଆଇପିଏଲ ୨୦୨୨ ପ୍ଲେ-ଅଫ୍ରୁ ବାଦ୍ ପଡିସାରିଛି ମୁମ୍ବାଇ ଇଣ୍ଡିଆନ୍ସ ।
ଫଳରେ ଅବଶିଷ୍ଟ ମ୍ୟାଚ୍ରେ ବିଜୟୀ ହେବାକୁ ସମସ୍ତ ଜୋର୍ ଲଗାଇବ ରୋହିତ ଶର୍ମାଙ୍କ ଟିମ । ମାତ୍ର ସମସ୍ତ ବିଭାଗରେ ସଂଘର୍ଷ କରୁଥିବା ମୁମ୍ବାଇ ପାଇଁ ବିଜୟୀ ପ୍ରଦର୍ଶନ ଜାରି ରଖିବା ବଡ ଚ୍ୟାଲେଞ୍ଜ ହେବ । ଟିମରେ ରୋହିତ ଶର୍ମା, ଇଶାନ କିଶନ, ସୂର୍ଯ୍ୟକୁମାର ଯାଦବ, କିରଣ ପୋଲାର୍ଡ, ଜଶପ୍ରୀତ ବୁମରାଙ୍କ ଭଳି ଷ୍ଟାର ଖେଳାଳିଥିଲେ ମଧ୍ୟ ସମସ୍ତଙ୍କ ପ୍ରଦର୍ଶନ ପ୍ରଭାବି ହୋଇନାହିଁ ।