ମୁମ୍ବାଇ: ଚଳିତ ଆଇପିଏଲ ଟୁର୍ଣ୍ଣାମେଣ୍ଟର ଶେଷ ତଥା 70ତମ ଲିଗ ମ୍ୟାଚରେ ପଞ୍ଜାବ କିଙ୍ଗ୍ସ ଓ ସନରାଇଜର୍ସ ହାଇଦ୍ରାବାଦ ପରସ୍ପରକୁ ଭେଟିଥିଲେ । ମ୍ୟାଚରେ ହାଇଦ୍ରାବାଦକୁ 5 ୱିକେଟରେ ହରାଇ 14 ପଏଣ୍ଟ ସହ ଅଭିଯାନ ଶେଷ କରିଛି କିଙ୍ଗ୍ସ । ଅନ୍ତିମ ଲିଗ ମ୍ୟାଚରେ ରୋମାଞ୍ଚକର ବିଜୟ ହାସଲ କରିଛି ପଞ୍ଜାବ ।
ପ୍ରଥମେ ବ୍ୟାଟିଂ କରି ସନରାଇଜର୍ସ 8 ୱିକେଟ ହରାଇ ୧୫୭ ରନ କରିଥିଲା । ଅଭିଷେକ ଶର୍ମା ସର୍ବାଧିକ ୪୩ ରନ୍ କରିଥିଲେ । ଅଭିଷେକ ୨ଟି ଛକା ଓ ୫ଟି ଚୌକା ସହ ସ୍କୋରବୋର୍ଡରେ ଏହି ରନ୍ ଯୋଡ଼ିଥିଲେ। ହାଇଦ୍ରାବାଦର ଅନ୍ୟ ବ୍ୟାଟ୍ସମ୍ୟାନଙ୍କ ମଧ୍ୟରେ ରୋମାରିଓ ସେଫର୍ଡ ୨ଟି ଲେଖାଏଁ ଚୌକା ଓ ଛକା ସହ ୧୫ ବଲ୍ ଖେଳି ୨୬ ରନ୍ କରିଥିଲେ । ୱାଶିଟନ ସୁନ୍ଦର ୧ଟି ଛକା ଓ ୩ଟି ଚୌକା ସାହାଯ୍ୟରେ ୧୯ ବଲ୍ ଖେଳି ୨୫ ରନ୍ ସଂଗ୍ରହ କରିଥିଲେ । ରାହୁଲ ତ୍ରିପାଠୀ 11 ବଲରେ 20 ରନରେ (1ଚୌକା, 1 ଛକା) ଆଉଟ ହୋଇଥିଲେ । ଦଳ ନିୟମିତ ବ୍ୟବଧାନରେ ୱିକେଟ ହରାଇଥିଲା । ସେଫର୍ଡ 2 ଚୌକା ଓ 2 ଛକା ବଳରେ ଅପରାଜିତ 26 ରନ କରିଥିଲେ । ଅନ୍ୟମାନଙ୍କ ମଧ୍ୟରେ ମାରକ୍ରମ 21, ନିକୋଲାସ ପୂରନ 5 ଓ ଭୁବନେଶ୍ବର କୁମାର 1 ରନ କରିଥିଲେ । ପଞ୍ଜାବକୁ 158 ରନ ଟାର୍ଗେଟ ଦେଇଥିଲା ହାଇଦ୍ରାବାଦ ।