ବେଙ୍ଗାଲୁରୁ:ଅନ୍ତର୍ଜାତୀୟ ପଦାର୍ପଣ ଦିନଠୁ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିବା ସାର୍ଦୁଳ ଠାକୁରଙ୍କୁ ନେଇ ନିଲାମି ଟକ୍କର ଦେଖିବାକୁ ମିଳିଥିଲା । ସାର୍ଦୁଳ ଠାକୁରଙ୍କ ବେସ ପ୍ରାଇସ ୨ କୋଟି ରହିଥିଲା । ପଞ୍ଜାବ କିଙ୍ଗସ, ଗୁଜୁରାଟ ଟାଇଟନ୍ସ, ଦିଲ୍ଲୀ କ୍ୟାପିଟାଲ୍ସ ତାଙ୍କୁ କିଣିବା ପାଇଁ ଜୋରଜାର ପ୍ରତିନ୍ଦ୍ବନ୍ଦ୍ବିତା କରିଥିଲେ । ଶେଷରେ ଦିଲ୍ଲୀ କ୍ୟାପିଟାଲ୍ସ ୧୦ କୋଟି ୭୫ ଲକ୍ଷ୍ୟରେ ସାର୍ଦୁଳଙ୍କୁ କିଣିଥିଲା ।
ପ୍ରାରମ୍ଭରୁ ଚେନ୍ନାଇ ସୁପରକିଙ୍ଗସ ଡାକ ଲଗାଇନଥିଲା । ମୁଲଚାଲ ମଧ୍ୟରେ ଠାକୁରଙ୍କ ମୂଲ୍ୟ ୬ କୋଟିରେ ପହଞ୍ଚିଥିଲା । ଏହାପରେ ସୁପରକିଙ୍ଗସର ପ୍ରବେଶ ହୋଇଥିଲା । ସିଏସକେ, ଦିଲ୍ଲୀ ଓ ପଞ୍ଜାବ ମଧ୍ୟରେ ଲଢେଇ ଚାଲିଥିଲା । ଶେଷରେ ଦିଲ୍ଲୀ ୧୦ କୋଟି ୭୫ ଲକ୍ଷ ଡାକ ଦେଇଥିଲା । ସିଏସକେ ଆଉ ପଞ୍ଜାବ ଆଗକୁ ବଢି ପାରି ନଥିଲେ । ଫଳରେ ସାର୍ଦୁଳଙ୍କୁ ଦିଲ୍ଲୀ କ୍ୟାପିଟାଲ୍ସ କିଣିବାରେ ସଫଳ ହୋଇଥିଲା ।