ମୁମ୍ବାଇ:ଚଳିତ ଇଣ୍ଡିଆନ ପ୍ରିମିୟର ଲିଗ (IPL 2022)ର ୬୪ ତମ ଲିଗ ମ୍ୟାଚ୍ରେ ଦମଦାର ବିଜୟ ହାସଲ କରିଛି ଦିଲ୍ଲୀ କ୍ୟାପିଟାଲ୍ସ । ପଞ୍ଜାବ କିଙ୍ଗ୍ସକୁ 17 ରନରେ ହରାଇ ଟେବୁଲର ଚତୁର୍ଥ ସ୍ଥାନ ଅକ୍ତିଆର କରିଛି ଋଷଭ ପନ୍ତଙ୍କ ଟିମ । ଏହି ବିଜୟ ଦଳକୁ ପ୍ଲେ-ଅଫ୍ ନିକଟତର ମଧ୍ୟ ହୋଇଛି ଦିଲ୍ଲୀ । ଘାତକ ବୋଲିଂସହ 4ଟି ୱିକେଟ ଅକ୍ତିଆର କରିଥିବା ଶାର୍ଦ୍ଦୁଳ ଠାକୁର ପ୍ଲେୟାର ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି । ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ ବିପକ୍ଷ ଟିମ ପଞ୍ଜାବ ଆଗରେ ୧୬୦ ରନର ଟାର୍ଗେଟ ରଖିଥିଲା ।
କର ବା ମର ମ୍ୟାଚ ଖେଳୁଥିବା ଉଭୟ ଦଳ ମଧ୍ୟରେ ରୋମାଞ୍ଚକର ମ୍ୟାଚ ଦେଖିବାକୁ ମିଳିଥିଲା । ଦିଲ୍ଲୀ ବ୍ୟାଟ୍ସମ୍ୟାନ ମିଚେଲ ମାର୍ଶ ଦମଦାର ବ୍ୟାଟିଂ କରି ସର୍ବାଧିକ ୬୩ ରନ କରିଥିଲେ । ପ୍ରଥମ ଓଭରରେ ୱାର୍ଣ୍ଣରଙ୍କ ୱିକେଟ ହରାଇଥିଲା ଦିଲ୍ଲୀ । ମାର୍ଶ ୪୮ ବଲ୍ରେ ୩ଟି ଛକା ଓ ୪ଟି ଚୌକା ସହ ଅର୍ଦ୍ଧଶତକ ହାସଲ କରି କାଗିସୋ ରବାଡ଼ାଙ୍କ ବଲରେ ସେ ଆଉଟ ହୋଇଥିଲେ । ଓପନର ସରଫରାଜ ଖାନ ଦ୍ବିତୀୟ ସର୍ବାଧିକ ରନ କରିଥିଲେ । ସେ ୧୬ଟି ବଲ୍ ଖେଳି ୩ଟି ଛକା ଓ ୪ଟି ଚୌକା ମାରି ମୋଟ ୩୨ ରନ କରିଥିବା ବେଳେ ବୋଲର ଅର୍ଶଦୀପ ସିଂଙ୍କ ଦ୍ବାରା ଆଉଟ ହୋଇଥିଲେ । କ୍ୟାପଟେନ ଋଷଭ ପନ୍ତ ନିରାଶ କରିଥିଲେ । ମାତ୍ର ୭ ରନ ହାସଲ କରି ଶୀଘ୍ର ପାଭିଲିୟନ ଫେରିଥିଲେ । 20 ଓଭରରେ 9 ୱିକେଟ ହରାଇ 159 ରନ କରିଥିଲା ଦିଲ୍ଲୀ ।