ମୁମ୍ବାଇ: ଆଇପିଏଲ ୨୦୨୨ ଟୁର୍ଣ୍ଣାମେଣ୍ଟର ୨୮ତମ ମ୍ୟାଚ୍ ସନ୍ରାଇଜର୍ସ ହାଇଦ୍ରାବାଦ ଓ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଉଛି । ଡିୱାଇ ପାଟିଲ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚ୍ରେ ପଞ୍ଜାବ ପ୍ରଥମେ ବ୍ୟାଟିଂ କରି ୧୫୧ ରନ୍ କରିଛି । ଫଳରେ ଅରେଞ୍ଜ ଆର୍ମୀ ହାଇଦ୍ରାବାଦ ସାମ୍ନାରେ ୧୫୨ ରନ୍ର ବିଜୟ ଲକ୍ଷ୍ଯ ରଖିଛି ।
ଟସ୍ ଜିତି ପ୍ରଥମେ ପଞ୍ଜାବକୁ ବ୍ୟାଟିଂ ଆମନ୍ତ୍ରଣ ଦେଇଥିଲା ହାଇଦ୍ରାବାଦ । ତେବେ ଇନିଂସ ଆରମ୍ଭରୁ ହିଁ ପଞ୍ଜାବ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଦଳୀୟ ସ୍କୋର୍ ମାତ୍ର ୧୦ ରନ୍ ହୋଇଥିବା ବେଳେ ଶିଖର ଧାୱନ ଆଉଟ ହୋଇଥିଲେ । ଏହାପରେ ପ୍ରଭସିମରନ୍ ସିଂ ଓ ଜନି ବେୟାରଷ୍ଟୋ ମଧ୍ୟ ବେଶୀ ସମୟ ପଡ଼ିଆରେ ବିତାଇ ପାରିନଥିଲେ । ପଞ୍ଜାବ ପକ୍ଷରୁ ଲିଭିଂଷ୍ଟୋନ ଏକ ମାତ୍ର ଖେଳାଳି ଭାରେ ଧୂଆଁଦାର ପାଳି ଖେଳିଥିଲେ । ସେ ୬୦ ରନ୍ କରି ପାଭେଲିୟନ ଫେରିଥିଲେ ।