ହାଇଦ୍ରାବାଦକୁ 55 ରନ୍‌ରେ ହରାଇଲା ରାଜସ୍ଥାନ

221ର ବିଶାଳ ବିଜୟ ଲକ୍ଷ୍ୟକୁ ପିଛା କରିଥିବା ହାଇଦ୍ରାବାଦକୁ ନିର୍ଦ୍ଧାରିତ 20 ଓଭରରେ 165 ରନ୍‌ରେ ରୋକିଥିଲେ ରାଜସ୍ଥାନ ବୋଲର । ଅଧିକ ପଢନ୍ତୁ...

ନୂଆଦିଲ୍ଲୀ: ଆଇପିଏଲର 28ତମ ମ୍ୟାଚରେ ବିଜୟୀ ହୋଇଛି ରାଜସ୍ଥାନ ରୟାଲ୍ସ । ସ୍ଥାନୀୟ ଅରୁଣ ଜେଟଲି ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ 55 ରନ୍‌ରେ ହରାଇଛି ରାଜସ୍ଥାନ ।

221ର ବିଶାଳ ବିଜୟ ଲକ୍ଷ୍ୟକୁ ପିଛା କରିଥିବା ହାଇଦ୍ରାବାଦକୁ ନିର୍ଦ୍ଧାରିତ 20 ଓଭରରେ 165 ରନ୍‌ରେ ରୋକିଥିଲେ ରାଜସ୍ଥାନ ବୋଲର । ମୁସ୍ତାଫିଜୁର ରେହମାନ ଓ କ୍ରିସ ୱକ୍ସ 3ଟି ଲେଖାଏଁ ୱିକେଟ ହାସଲ କରି ବିଜୟରେ ପ୍ରମୁଖ ଭୁମିକା ନିଭାଇଥିଲେ ।

ବିଜୟ ପରେ କେନ ୱିଲିୟମସନ-ସଞ୍ଜୁ ସାମସନ

ପୂର୍ବରୁ ଜସ୍‌ ବଟଲରଙ୍କ ପ୍ରଥମ ଟି-20 ଶତକ ସହାୟତାରେ ରାଜସ୍ଥାନ ରୟାଲ୍ସ 3 ୱିକେଟ ହରାଇ 220 ରନ୍‌ ସଂଗ୍ରହ କରିଥିଲା । ବଟଲର 64 ବଲ୍‌ରୁ ବିସ୍ଫୋରକ 124 ରନ୍‌ର ଇଂନିସ ଖେଳିଥିଲେ । ଦ୍ବିତୀୟ ୱିକେଟ ଭାଗିଦାରୀରେ 88 ବଲ୍‌ରେ କ୍ୟାପଟେନ ସଞ୍ଜୁ ସାମସନ ଓ ବଟଲର 150 ରନ୍‌ ଉଠାଇଥିଲେ । ସାମସନ 33 ବଲ୍‌ରୁ 48 ରନର ଦ୍ରୁତ ଇଂନିସ ଖେଳିଥିଲେ ।

ଶତକ ହାସଲ ପରେ ଜସ୍‌ ବଟଲର

ଶତକ ହାସଲ ପରେ ଜସ୍‌ ବଟଲର

ବ୍ୟୁରୋ ରିପୋର୍ଟ, ଇଟିଭି ଭାରତ