ଅହମ୍ମଦାବାଦ:ଚଳିତ ଆଇପିଏଲର 22ତମ ମୁକାବିଲାରେ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଅନ୍ୟତମ ହାଇଭୋଲଟେଜ ଲଢେଇ ଜାରି ରହିଛି ।
ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେବା ସହ ବାଙ୍ଗାଲୋରକୁ ବ୍ୟାଟିଂ ଆମନ୍ତ୍ରଣ କରିଥିଲା ଦିଲ୍ଲୀ । ଫଳରେ ନିର୍ଦ୍ଧାରିତ 20 ଓଭରରେ 5 ୱିକେଟ ହରାଇ 171 ରନ୍ ସଂଗ୍ରହ କରିଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ଫଳରେ ଦିଲ୍ଲୀ ସାମ୍ନାରେ 172 ରନ୍ର ବିଜୟ ଲକ୍ଷ୍ୟ ରହିଛି ।
ଭେଟେରାନ ବ୍ୟାଟ୍ସମ୍ୟାନ ଏବି ଡି ଭିଲିୟର୍ସଙ୍କ ବିସ୍ଫୋରକ ଅପରାଜିତ 75 ରନ ବଳରେ ସମ୍ମାନଜନକ ସ୍କୋର କରିପାରିଛି ଆରସିବି । ନରେନ୍ଦ୍ର ମୋଦି ଷ୍ଟାଡିୟମରେ ଦିଲ୍ଲୀ ବୋଲରଙ୍କୁ ନିର୍ଧୁମ ପ୍ରହାର କରିଥିଲେ ଡିଭିଲିୟର୍ସ । ମାତ୍ର 42 ବଲ୍ରୁ 3ଟି ଚୌକା ଓ 5ଟି ଛକା ସହାୟତାରେ ମାରାଥନ 75 ରନ୍ର ଇଂନିସ ଖେଳିଛନ୍ତି । ରଜତ ପଟିଦାର 22 ବଲ୍ରୁ 31 ଓ ଗ୍ଲେନ ମାକ୍ସୱେଲ 20 ବ୍ଲରୁ 25 ରନ୍ର ଇଂନିସ ଖେଳିଥିଲେ । ଓପନର ଦେବଦତ୍ତ ପାଦିକ୍କଲ ଓ କ୍ୟାପଟେନ ବିରାଟ କୋହଲି ଫେଲ୍ ମାରିଥିଲେ ।
ଦିଲ୍ଲୀ ପକ୍ଷରୁ ଇଶାନ୍ତ ଶର୍ମା, ଅବେଶ ଖାନ, କାଗିସୋ ରବାଡା, ଅମିତ ମିଶ୍ର ଓ ଅକ୍ଷର ପଟେଲ ଗୋଟିଏ ଲେଖାଏଁ ୱିକେଟ ହାସଲ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
