ସାରଜା : ବୁଧବାର ସାରଜା କ୍ରିକେଟ୍ ଷ୍ଟାଡିୟମରେ ଆରମ୍ଭ ହୋଇଛି ମହିଳା ଟି20 ଚ୍ୟାଲେଞ୍ଜ । ପ୍ରଥମ ମ୍ୟାଚରେ ସୁପରନୋଭାସକୁ 5 ୱିକେଟରେ ପରାସ୍ତ କଲା ଭେଲୋସିଟି ।ସୁପରନୋଭାସର ପ୍ରଥମେ ବ୍ୟାଟିଂ କରି 127 ରନ କରିଥିଲା । ଏହି ଟାର୍ଗେଟକୁ ପିଛା କରି ଭେଲୋସିଟି 19.5 ଓଭରରେ 129 ରନ ହାସଲ କରିନେଇଥିଲା ।
ଭେଲୋସିଟି ପକ୍ଷରୁ ଦକ୍ଷିଣ ଆଫ୍ରିକାର ସୁନେ ଲୁସ୍ 37 ରନରେ ଅପରାଜିତ ରହିଥିବାବେଳେ ୱିକେଟକିପର ସୁଷମା ବର୍ମା 34 ରନ କରିଥିଲେ । ଏହି ଯୋଡି 5ମ ୱିକେଟ୍ ପାଇଁ 51 ରନ୍ ପାର୍ଟନରସିପ କରି ବିଜୟ ସୁନିଶ୍ଚିତ କରିଥିଲେ । ଅଧିନାୟକ ମିତାଲି ରାଜ 19 ବଲରୁ 7 ରନ କରିଥିଲେ । ସୁପରନୋଭାସ ପକ୍ଷରୁ ଶାକେରା ସଲମାନ ବିନା ୱିକେଟରେ ନିଜର ଓଭର ଶେଷ କରିଥିଲେ । କିନ୍ତୁ ସୁପରନୋଭାସ୍ଙ୍କୁ ମ୍ୟାଚର ନିକଟତର କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ । କାରଣ ତାଙ୍କ ଚାରି ଓଭରରେ ମାତ୍ର 19 ରନ୍ ବ୍ୟୟ କରିଥିଲେ । ଆୟାବୋଙ୍ଗା ଖାକା ଓପନର୍ ଶାଫାଲି ବର୍ମା ଏବଂ ଡାନି ୱାଟ୍ଟୁଙ୍କ 2ଟି ଗୁରୁତ୍ବପୂର୍ଣ୍ଣ ୱିକେଟ ନେଇଥିଲେ ।