ନୂଆଦିଲ୍ଲୀ: ରାଜସ୍ଥାନ ରୟାଲସ ବୁଧବାର ତାର ନୂତନ କ୍ୟାପଟେନ ନିଯୁକ୍ତ କରିଛି । ଯୁବ ୱିକେଟ କିପର ସଞ୍ଜୁ ସାମସନଙ୍କୁ ରାଜସ୍ଥାନ ରୟାଲସର କ୍ୟାପଟେନ ଭାବେ ଘୋଷଣା କରାଯାଇଛି । ଏ ନେଇ ରାଜସ୍ଥାନ ରୟାଲସ ଫ୍ରାଞ୍ଚାଇଜ ପକ୍ଷରୁ ସୂଚନା ଦିଆଯାଇଛି ।
2021ରେ ଆଇପିଏଲର 14 ତମ ସଂସ୍କରଣକୁ ଦୃଷ୍ଟିରେ ରଖି ରାଜସ୍ଥାନ ରୟାଲସ ନିଜ କ୍ୟାପଟେନ ପରିବର୍ତ୍ତନ କରିଛି । ଚଳିତବର୍ଷ ଆଇପିଏଲରେ ରାଜସ୍ଥାନ ରୟାଲସ ନୂଆ ଅଧିନାୟକ ସହ ମଇଦାନକୁ ଓହ୍ଲାଇବ । କେରଳର ଯୁବ ୱିକେଟ କିପର ବ୍ୟାଟସମ୍ୟାନ ସଞ୍ଜୁ ସାମସନଙ୍କୁ ନୂତନ ଅଧିନାୟକ ଭାବରେ ଫ୍ରାଞ୍ଚାଇଜ ଘୋଷଣା କରିଛି । ସୂଚନାଥାଉକି ରାଜସ୍ଥାନ ରୟାଲସ କ୍ୟାପଟେନ ଥିବା ଅଷ୍ଟ୍ରେଲିଆ ଖେଳାଳି ଷ୍ଟିଭ ସ୍ମିଥଙ୍କୁ ଫ୍ରାଞ୍ଚାଇଜ ରିଲିଜ କରିଛି । ରାଜସ୍ଥାନ ରୟାଲସ ଚଳିତ ବର୍ଷ 17 ଜଣ ଖେଳାଳିଙ୍କୁ ରଖିଥିବାବେଳେ 8 ଜଣ ଖେଳାଳିଙ୍କୁ ରିଲିଜ କରିଛି ।