ଚେନ୍ନାଇ: ମଙ୍ଗଳବାର ଏମ୍ଏ ଚିଦାମ୍ବରମ୍ ଷ୍ଟାଡିୟମ୍ରେ ଦେଖିବାକୁ ମିଳିବ ଦମ୍ଦାର୍ ମ୍ୟାଚ୍ । ଚାମ୍ପିଆନ୍ ଚେନ୍ନାଇ ସୁପରକିଙ୍ଗସ୍କୁ ଟକ୍କର ଦେବାକୁ ଓହ୍ଲାଇବ 2ଥର ଆଇପିଏଲ୍ ବିଜେତା କୋଲକତା ନାଇଟ୍ ରାଇଡର୍ସ । ଏହି ସିଜନ୍ର 23ତମ ମ୍ୟାଚ୍କୁ ବେଶ୍ ଉପଭୋଗ କରିବେ ଦର୍ଶକ । 2ଟି ଦଳ ବର୍ତ୍ତମାନ ସୁଦ୍ଧା ଚାରୋଟି ଲେଖାଏଁ ମ୍ୟାଚ୍ ନିଜ ନାଁରେ କରିସାରିଛନ୍ତି । ବର୍ତ୍ତମାନ ସୁଦ୍ଧା ପଏଣ୍ଟ ଟେବୁଲ୍ର ପ୍ରଥମ ସ୍ଥାନରେ କେକେଆର୍ ରହିଥିବାବେଳେ 2ୟ ସ୍ଥାନରେ ଧୋନୀ ବାହିନୀ ରହିଛି । ପଏଣ୍ଟ ଟେବୁଲ୍ର ଶୀର୍ଷରେ ରହିବା ପାଇଁ 2ଦଳ ମଧ୍ୟରେ ରାତି 8ଟାରେ ମୁକାବିଲା ହେବ ।
ଦେଖିବାକୁ ଗଲେ 2ଟି ଟିମ୍ରେ ବେଶ୍ ସାନ୍ଦାର୍ ସ୍ପିନର୍ ଥିବା ସହ ଧମାକାଦାର୍ ବ୍ୟାଟ୍ସମ୍ୟାନ ମାନେ ମଧ୍ୟ ଅଛନ୍ତି । ଚେନ୍ନାଇ ଟିମ୍ରେ ଭଜି, ଇମରାନ ତାହିର, ରବିନ୍ଦ୍ର ଜାଡେଜାଙ୍କ ଭଳି ସ୍ପିନର୍ ରହିଛନ୍ତି । ସେହିପରି ଦିନେଶ କାର୍ତ୍ତିକଙ୍କ ଟିମ୍ରେ କୁଲଦୀପ ଯାଦବ, ସୁନୀଲ ନରେନ ଓ ପୀୟୁଷ ଚାଓ୍ବାଲାଙ୍କ ପରି ବୋଲର୍ ଗତ ଶେଷ ମ୍ୟାଚ୍ରେ ବେଶ୍ ଭଲ ପ୍ରଦର୍ଶନ କରିଥିଲେ ।