ଦୁବାଇ: ଟି-୨୦ ବିଶ୍ବକପ ପୂର୍ବରୁ ଟିମ ଇଣ୍ଡିଆର ଦ୍ବିତୀୟ ଅଭ୍ୟାସ ମ୍ୟାଚ । ଅଷ୍ଟ୍ରେଲିଆ ବିପକ୍ଷରେ ସ୍ଥାନୀୟ ଦୁବାଇ ଷ୍ଟାଡିୟମରେ ଖେଳାଯାଉଛି ଏହି ମ୍ୟାଚ । ମ୍ୟାଚରେ ପ୍ରଥମେ ଅଷ୍ଟ୍ରେଲିଆ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଛି ।
ଆଜିର ମ୍ୟାଚରେ ଭାରତ ପକ୍ଷରୁ ଅଧିନାୟକତ୍ବ ଭାର ନେଇଛନ୍ତି ରୋହିତ ଶର୍ମା । ଟିମ୍ ଇଣ୍ଡିଆର ଏହି ମ୍ୟାଚରେ 3ଟି ପରିବର୍ତ୍ତନ ହୋଇଛି । କୋହଲି, ଶାମି ଏବଂ ବୁମରାଙ୍କୁ ବିଶ୍ରାମ ଦିଆଯାଇଛି ।
ଭାରତ ପ୍ରଥମ ଅଭ୍ୟାସ ମ୍ୟାଚରେ ଇଂଲଣ୍ଡକୁ ପରାସ୍ତ କରିଥିଲା । ହାଇ ସ୍କୋରିଂ ମ୍ୟାଚରେ ଭାରତ 189 ରନକୁ ସହଜରେ ପିଛା କରିଥିଲା । ତେବେ ଇଂଲଣ୍ଡ ବିପକ୍ଷ ମ୍ୟାଚରେ ଭାରତର ବୋଲିଂ ମହଙ୍ଗା ସାବ୍ୟସ୍ତ ହୋଇଥିଲା । ପେସର ଏବଂ ସ୍ପିନରଙ୍କ ବିରୋଧରେ ଛକା, ଚୌକା ବର୍ଷା କରିଥିଲେ ଇଂଲିସ ବ୍ୟାଟ୍ସମ୍ୟାନ । ଏହା ସହିତ ଭାରତର ଷଷ୍ଠ ବୋଲିଂ ବିକଳ୍ପ ମଧ୍ୟ ଦେଖିବାକୁ ମିଳିନଥିଲା ।