ହାଇଦ୍ରାବାଦ: ଭାରତୀୟ ପେସର୍ ଜସପ୍ରୀତ ବୁମରା କିଛି ମାସ ଧରି ଫର୍ମରେ ନଥିବା ବେଳେ ଇଂଲଣ୍ଡ ଗସ୍ତରେ ସେ ପୁଣି ଆକ୍ସନକୁ ଫେରିଛନ୍ତି । ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ଚାମ୍ପିଆନସିପ ଫାଇନାଲରେ ଗୋଟିଏ ବି ୱିକେଟ ନେବାରେ ଅସମର୍ଥ ହୋଇଥିବା ବୁମରା ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟର ଉଭୟ ଇନିଂସରେ ଚମତ୍କାର ପ୍ରଦର୍ଶନ କରିଥିଲେ ।
ପ୍ରଥମ ଇନିଂସରେ ୪ଟି ୱିକେଟ ହାତେଇଥିବା ବୁମରା ଦ୍ବିତୀୟ ଇନିଂସରେ ନିଜ ନାଁରେ କରିଥିଲେ ୫ଟି ୱିକେଟ । ଏହି ଉପଲବ୍ଧି ତାଙ୍କ ନାମକୁ ‘ଟ୍ରେଣ୍ଟ ବ୍ରିଜ’ ଅନର ବର୍ଡରେ ମଧ୍ୟ ସ୍ଥାନିତ କରିଛି ।
ତେବେ ସମସ୍ତ ପ୍ରୟାସ ପରେ ମଧ୍ୟ ମ୍ୟାଚରେ ଉପରେ ଭାରି ପଡ଼ିଗଲା ବର୍ଷା ଆଉ ଅମିମାଂସୀତ ରହିଲା ପ୍ରଥମ ଟେଷ୍ଟ । ଯାହାପରେ ସୋସିଆଲ ମିଡିଆ ପୋଷ୍ଟ କରିଛନ୍ତି ବୁମରା । ପୋଷ୍ଟରେ ନିଜର ୱିକେଟ ନେବା ବେଳର ଫଟୋ ଦେଇ ଲେଖିଛନ୍ତି ‘‘ଏବେ ବି ତୁମର ଆବଶ୍ୟକତା ନାହିଁ (Still don't need you)’’ । ଏହି ପୋଷ୍ଟ ଏବେ ଫ୍ୟାନ୍ସଙ୍କ ମଧ୍ୟରେ ବେଶ୍ ଭାଇରାଲ ହେଉଛି ।