ସାଉଥାମ୍ପଟନ: ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ପାଇଁ ସାଉଥାମ୍ପଟନରେ ଅଭ୍ୟାସ ଆରମ୍ଭ କରିଛି ଭାରତୀୟ କ୍ରିକେଟ ଟିମ । ଏନେଇ ଗୁରୁବାର ଭାରତୀୟ କ୍ରିକେଟ ବୋର୍ଡ ସୋସିଆଲ ମିଡିଆରେ ଟିମର ଅଭ୍ୟାସ ବେଳର ଭିଡିଓ ଜାରି କରିଛି । ନ୍ୟୁଜିଲାଣ୍ଡ ବିପକ୍ଷରେ WTC ଫାଇନାଲ ମୁକାବିଲା ଖେଳିବ ବିରାଟ ବାହିନୀ ।
ଭିଡିଓରେ କ୍ୟାପଟେନ ବିରାଟ କୋହଲି, ରୋହିତ ଶର୍ମା, ଚେତେଶ୍ବର ପୂଜାରା, ଋଷଭ ପନ୍ତ ନେସ୍ଟରେ ବ୍ୟାଟିଂ ଅଭ୍ୟାସ କରୁଛନ୍ତି ଓ ଆର ଅଶ୍ବିନ, ଇଶାନ୍ତ ଶର୍ମା, ମହମ୍ମଦ ସାମି, ଜଶପ୍ରୀତ ବୁମରା ଓ ମହମ୍ମଦ ସିରାଜ ତାଙ୍କୁ ବୋଲିଂ କରୁଛନ୍ତି । ଖେଳାଳିମାନେ ସ୍ଲିପ କ୍ୟାଚିଂ ମଧ୍ୟ ଅଭ୍ୟାସ କରୁଥିବା ଭିଡିଓରେ ରହିଛି ।