ନୂଆଜିଲ୍ଲୀ:ମହିଳା ଏମର୍ଜିଂ ଏସିଆ କପ୍ କ୍ରିକେଟ ପରେ ପୁରୁଷ ଏମର୍ଜିଂ ଏସିଆ କପ୍ ପାଇଁ ଭାରତୀୟ ଦଳ ଘୋଷଣା ହୋଇଛି । 19 ବର୍ଷରୁ କମ୍ 2022 ବିଶ୍ବକପ ଚମ୍ପିଆନ ଦଳର ଅଧିନାୟକ ୟଶ ଧୂଳ ଏମର୍ଜିଂ ଏସିଆ କପରେ ଭାରତ-ଏ ଦଳର ନେତୃତ୍ବ ନେବେ । ଧୂଳ ଫାଷ୍ଟ କ୍ଲାସ କ୍ରିକେଟରେ 2021-21ରେ ରଣଜୀରେ ଦିଲ୍ଲୀ କ୍ରିକେଟ ଟିମ ପକ୍ଷରୁ ଖେଳିଥିଲେ । ଆସନ୍ତା 13ରୁ 23 ତାରିଖ ଯାଏ ଶ୍ରୀଲଙ୍ଗାର କଲମ୍ବୋରେ ଖେଳାଯିବ ଏମର୍ଜିଂ ଏସିଆ କପ୍ ।
ଏହା ବି ପଢନ୍ତୁ...Womens Emerging Asia Cup: ବାଂଲାଦେଶକୁ ହରାଇ ଭାରତ 'ଏ' ଚମ୍ପିଆନ
ଏନେଇ ଘୋଷଣା ହୋଇଥିବା ଦଳରେ ଅନେକ ଆପିଏଲ ଷ୍ଟାର ସାମିଲ ଅଛନ୍ତି । ସାଇ ସୁଦର୍ଶନ, ଅଭିଷେକ ଶର୍ମା, ଧ୍ରୁବ ଜୁରେଲ, ପ୍ରଭସିମରନ ସିଂହ ସ୍କ୍ବାଡରେ ସ୍ଥାନ ପାଇଛନ୍ତି । ମୋଟ 8ଟି ଦଳକୁ ନେଇ ଏହି ଟୁର୍ଣ୍ଣାମେଣ୍ଟ ଆୟୋଜିତ ହେବ । ସମସ୍ତ ଦଳକୁ 2ଟି ଗ୍ରୁପରେ ଭାଗ କରାଯାଇଛି । ଭାରତ ଗ୍ରୁପ-ବିରେ ରହିଛି । ଏହି ଗ୍ରୁପରେ ନେପାଳ, ୟୁଏଇ-ଏ ଓ ପାକିସ୍ତାନ-ଏ ଦଳ ରହିଛନ୍ତି । ସେହିପରି ଗ୍ରୁପ-ଏରେ ଶ୍ରୀଲଙ୍କା-ଏ, ବାଂଲାଦେଶ-ଏ, ଆଫଗାନିସ୍ତାନ-ଏ ଓ ଓମାନ-ଏ ଦଳ ରହିଛନ୍ତି । ଦୁଇ ଗ୍ରୁପର ଶ୍ରେଷ୍ଠ 2ଟି ଲେଖାଏଁ ସେମିଫାଇନାଲକୁ ଉନ୍ନୀତ ହେବେ । ଭାରତ-ଏ ଦଳ 13 ତାରିଖରୁ ୟୁଏଇ-ଏ ବିପକ୍ଷରେ ଅଭିଯାନ ଆରମ୍ଭ କରିବ । 15 ତାରିଖରେ ପାରମ୍ପିରକ ପ୍ରତିନ୍ଦ୍ବନ୍ଦୀ ପାକିସ୍ତାନ-ଏ ଓ 18 ତାରିଖରେ ନେପାଳକୁ ଭେଟିବ । 21 ତାରିଖରେ ସେମିଫାଇନାଲ ଓ 23 ତାରିଖରେ ଫାଇନାଲ ମ୍ୟାଚ ଖେଳାଯିବ । ସିଂତାଶୁ କୋଟାକ ଦଳର ମୁଖ୍ୟ କୋଚ ।