ବେଙ୍ଗାଲୁରୁ: ବିରାଟ ବାହିନୀ ପାଖରେ ଇଂଲଣ୍ଡରେ ଇଂଲଣ୍ଡ ଦଳ ବିପକ୍ଷରେ ଟେଷ୍ଟ ସିରିଜ ଜିତିବା ସୁଯୋଗ ରହିଛି । ଏଭଳି ମନ୍ତବ୍ୟ ଦେଇଛନ୍ତି ପୂର୍ବତନ ଭାରତୀୟ ଅଧିନାୟକ ରାହୁଲ ଦ୍ରାବିଡ । ଟେଷ୍ଟ ଚମ୍ପିଆନସିପ ଫାଇନାଲ ପରେ ଇଂଲଣ୍ଡ ସହ 5 ଟିକିଆ ଟେଷ୍ଟ ମ୍ୟାଚ ଖେଳିବ ଭାରତ । ଏଥିପାଇଁ 20 ଜଣିଆ ଭାରତୀୟ ଦଳ ମଧ୍ୟ ଘୋଷଣା କରି ସାରିଛି ବିସିସିଆଇ ।
ଏକ ସାକ୍ଷାତକାରରେ ରାହୁଲ ଦ୍ରାବିଡ କହିଛନ୍ତି ଯେ, "ମୁଁ ଭାବୁଛି ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ବିଜୟୀ ହେବାକୁ ଭାରତ ପାଖରେ ଏକ ସୁଯୋଗ ରହିଛି । ତେବେ ଇଲଂଣ୍ଡର ବୋଲିଂ ଉପରେ ସନ୍ଦେହ କରି ହେବ ନାହିଁ । ଯେକୌଣସି ବ୍ୟାଟିଂ ଲାଇନକୁ ଧ୍ବସ୍ତ କରିବା ସାମର୍ଥ୍ୟ ରଖିଛନ୍ତି ଇଂଲଣ୍ଡ ବୋଲର । ବିଶେଷ କରି ଫାଷ୍ଟ ବୋଲି ଆକ୍ରମଣକୁ ନେଇ ଭାରତୀୟ ଦଳ ସଜାଗ ହେବା ଆବଶ୍ୟକ ।"