ଜୟପୁର: ଭାରତୀୟ କ୍ରିକେଟର ନବଦୀପ ସୈନି ଓ ସ୍ବାତୀ ଅସ୍ଥାନାଙ୍କ ସମ୍ପର୍କ ବେଶ କିଛିଦିନ ଚର୍ଚ୍ଚାରେ ରହିଥିଲା । ତେବେ ଗତକାଲି ଅର୍ଥାତ ନଭେମ୍ବର ୨୩ରେ ଏହି ଚର୍ଚ୍ଚା ଉପରେ ପୂର୍ଣ୍ଣଚ୍ଛେଦ ପକାଇ ଦୁହେଁ ବିବାହ ବନ୍ଧନରେ ବାନ୍ଧି ହୋଇଛନ୍ତି । ନବଦୀପ ଓ ସ୍ବାତୀଙ୍କ ବିବାହ ବେଶ ଧୁମଧାମରେ ସମ୍ପନ୍ନ ହୋଇଛି । ଏହାପରେ ନବଦମ୍ପତ୍ତିଙ୍କୁ ସୁଖମୟ ବୈବାହିକ ଜୀବନ ପାଇଁ ଅନେକ କ୍ରିକେଟର, ସେଲିବ୍ରିଟି ଓ ପ୍ରଶଂସକମାନେ ସୋସିଆଲ ମିଡିଆରେ ଶୁଭେଚ୍ଛା ଜଣାଉଛନ୍ତି ।
ଭାରତୀୟ ଦ୍ରୁତ ବୋଲର ନବଦୀପ ସୈନି ତାଙ୍କ ପ୍ରେମିକା ସ୍ବାତୀ ଅସ୍ଥାନାଙ୍କ ପ୍ରେମ ସମ୍ପର୍କ ଅନେକ ଦିନ ଧରି ଚର୍ଚ୍ଚାରେ ରହିଥିଲା । ଏପରିକି ଅନେକ ସମୟରେ ବିଭିନ୍ନ ସ୍ଥାନରେ ଉଭୟଙ୍କୁ ଏକାଠି ଦେଖିବାକୁ ମଧ୍ୟ ମିଳିଥିଲା । ଶେଷରେ ଦୁହେଁ ବିବାହ ପାଇଁ ସ୍ଥିର କରିଥିଲେ । ନଭେମ୍ବର ୨୩ ତାରିଖ (ଗୁରୁବାର) ନବଦୀପ ଓ ସ୍ବାତୀ ବିବାହ କରି ଜନ୍ମ ଜନ୍ମାନ୍ତରର ସାଥୀ ହୋଇଛନ୍ତି । ଏହି ବିବାହରେ ଉଭୟ ନବଦୀପ ଓ ସ୍ବାତୀଙ୍କ ପରିବାର ଏବଂ ସାଙ୍ଗସାଥୀମାନେ ଉପସ୍ଥିତ ଥିଲେ । ରାଜସ୍ଥାନର ଉଦୟପୁରରେ ପାରମ୍ପରିକ ରୀତିନୀତିରେ ଉଭୟଙ୍କ ବିବାହ ସମ୍ପନ୍ନ ହୋଇଛି । ନିଜେ ନବଦୀପ ନିଜ ଇନ୍ଷ୍ଟାଗ୍ରାମରେ ସୁନ୍ଦର କ୍ୟାପ୍ସନ ଦେଇ ବିବାହ ସମୟର ଫଟୋ ପୋଷ୍ଟ କରିଛନ୍ତି ।
ଏହା ମଧ୍ୟ ପଢ଼ନ୍ତୁ...ବିବାହ କରିବେ ତମନ୍ନା ବ୍ୟାସ, ଜାନୁଆରୀରେ ପଡିପାରେ ହାତଗଣ୍ଠି