ନୂଆଦିଲ୍ଲୀ: ଇଂଲଣ୍ଡ ଗସ୍ତ ପାଇଁ ମୁମ୍ବାଇରେ ପହଞ୍ଚିଲେ ଭାରତୀୟ କ୍ରିକେଟର । ଉଭୟ ମହିଳା ଓ ପୁରୁଷ କ୍ରିକେଟ ଦଳ ଏକାସାଙ୍ଗରେ ଇଂଲଣ୍ଡ ଗସ୍ତ କରିବେ । ଏଥିପାଇଁ ଏକ ଚାର୍ଟାଡ ବିମାନରେ ମୁମ୍ବାଇ ପହଞ୍ଚିଛନ୍ତି ଖେଳାଳି । ଏହାକୁ ନେଇ ବିସିସିଆଇ ଟ୍ବିଟ କରି ସୂଚନା ଦେଇଛି । ଜୁନ 2 ତାରିଖରେ ଉଭୟ ଦଳ ଇଂଲଣ୍ଡ ଗସ୍ତ କରିବ ।
ଏହି ଚାର୍ଟାଡ ବିମାନରେ ରବିଚନ୍ଦ୍ରନ ଅଶ୍ବୀନ, ମିତାଲୀ ରାଜ, ମହମ୍ମଦ ସିରାଜ, ମୟଙ୍କ ଅଗ୍ରୱାଲ ଓ ୱାଶଂଟନ ସୁନ୍ଦର ମୁମ୍ବାଇରେ ପହଞ୍ଚିଛନ୍ତି । ଏହାକୁ ନେଇ ବିସିସିଆଇ କ୍ରିକେଟରଙ୍କ ଫୋଟ ସେୟାର କରି "ପ୍ରଥମ ସ୍ଥାନ ମୁମ୍ବାଇ" ବୋଲି ଲେଖିଛି । ବିଶ୍ବ ଟେଷ୍ଟ ଚମ୍ପିଆସିପ ଫାଇନାଲ ମ୍ୟାଚ ପାଇଁ ଭାରତୀୟ କ୍ରିକେଟ ଦଳ ଇଂଲଣ୍ଡ ଗସ୍ତ କରିବ । ଏହାପରେ ଇଂଲଣ୍ଡ ସହ 5ଟିକିଆ ଟେଷ୍ଟ ସିରିଜ ମଧ୍ୟ ଖେଳିବ ଦଳ ।