ହାଇଦ୍ରାବାଦ: ମହାକାଶ ବଗେଷଣା କ୍ଷେତ୍ରରେ ଇତିହାସ ସୃଷ୍ଟି କରିଛି ଭାରତ । ସଫଳ ହୋଇଛି ବହୁପ୍ରତୀକ୍ଷିତ ଚନ୍ଦ୍ରଯାନ-୩ ମିଶନ । ଏହାପରେ ସାରା ଦେଶରେ ଉତ୍ସବର ମାହୋଲ । ଏପରିକି ଭାରତ ବାହାରେ ମଧ୍ୟ ବିଭିନ୍ନ ସ୍ଥାନରେ ପ୍ରବାସୀ ଭାରତୀୟମାନେ ସେଲିବ୍ରେସନ କରୁଥିବା ଦେଖିବାକୁ ମିଳିଛି । ଖୋଦ ମୁଖ୍ୟମନ୍ତ୍ରୀ ଫୋନ ଯୋଗେ ଇସ୍ରୋ ମୁଖ୍ୟଙ୍କୁ ଶୁଭେଚ୍ଛା ଜଣାଇଛନ୍ତି । ଏହା ସହିତ ବିଶ୍ବର କୋଣ ଅନୁକୋଣରୁ ଇସ୍ରୋକୁ ଶୁଭେଚ୍ଛାର ସୁଅ ଛୁଟିଛି । ଆୟରଲାଣ୍ଡ ଗସ୍ତରେ ଥିବା ଟିମ୍ ଇଣ୍ଡିଆ ଏହି ଐତିହାସିକ ମୁହୂର୍ତ୍ତକୁ LIVE ଉପଭୋଗ କରିବା ସହ ସେଠାରେ ସେଲିବ୍ରେସନ୍ କରୁଥିବାର ଭିଡିଓ ବିସିସିଆଇ ଏହାର X ହ୍ୟାଣ୍ଡେଲ୍ରେ ସେୟାର କରିଛି । ଏହା ସହିତ କ୍ରିକେଟ୍ ଜଗତରୁ ଇସ୍ରୋ ନିକଟକୁ ଶୁଭେଚ୍ଛା ଛୁଟିଛି । ପୂର୍ବତନ ଖେଳାଳିଙ୍କ ସମେତ ଭାରତୀୟ କ୍ରିକେଟ ଦଳର ଅନେକ ତାରକା ଖେଳାଳି ନିଜ ନିଜର X ହ୍ୟାଣ୍ଡେଲ୍ରେ ଇସ୍ରୋକୁ ଅଭିନନ୍ଦନ ଜଣାଇଛନ୍ତି ।
ନିଜ X ହ୍ୟାଣ୍ଡେଲରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଲେଖିଛନ୍ତି, "ବିଜୟୀ ବିଶ୍ବ ତ୍ରିରଙ୍ଗା ପ୍ୟାରା, ଝଣ୍ଡା ଉଁଚା ରହେ ହମାରା, ISROର ସମସ୍ତ ପରିଶ୍ରମୀ ମହିଳା ଏବଂ ପୁରୁଷ ଏକାଠି ହେବା, ବିଭିନ୍ନ ଚ୍ୟାଲେଞ୍ଜର ସମ୍ମୁଖୀନ ହେବା ଏବଂ ଆମର ତ୍ରିରଙ୍ଗାକୁ ସବୁଠାରୁ ଉଚ୍ଚରେ ଉଡ଼ାଇ ISRO ଆଜି ଭାରତକୁ ଗର୍ବିତ କରିଛି । ଏସ ସୋମନାଥଙ୍କ ଚନ୍ଦ୍ରଯାନ-୩ ଟିମ୍ ସହିତ କେ ଶିବନଙ୍କ ନେତୃତ୍ବରେ ଚନ୍ଦ୍ରଯାନ-୨ ଦଳକୁ ମଧ୍ୟ ଭାରତବାସୀ ଶୁଭେଚ୍ଛା ଜଣାଇବା ଉଚିତ । କାରଣ ସପ୍ରତି ବିଫଳତା ହିଁ ଆମକୁ ସଫଳତା ଦେଇଥାଏ, ତାହା ଚନ୍ଦ୍ରଯାନ ମିଶନ ହେଉ କିମ୍ବା ଜୀବନ । ଜୟ ହିନ୍ଦ୍ ।"
ଏହା ମଧ୍ୟ ପଢ଼ନ୍ତୁ...Chandrayaan-3: ସଫଳ ଲ୍ୟାଣ୍ଡିଂ କଲା ଚନ୍ଦ୍ରଯାନ, ଐତିହାସିକ କ୍ଷଣକୁ LIVE ଉପଭୋଗ କଲା ଟିମ୍ ଇଣ୍ଡିଆ