ନୂଆଦିଲ୍ଲୀ:କ୍ରିକେଟରେ ସଫଳତା ହାସଲ କରିଛି ଭାରତ 'ଏ' । ହଂକଂରେ ଅନୁଷ୍ଠିତ ଏମର୍ଜିଂ ମହିଳା ଏସିଆ କପ ପ୍ରଥମ ସଂସ୍କରଣରେ ଭାରତ-ଏ ଚମ୍ପିଆନ ହୋଇଛି । ବାଂଲାଦେଶ-ଏ'କୁ 31ରନରେ ପରାସ୍ତ କରି ଟ୍ରଫି ଜିତିଛି ଭାରତ । କନିକା ଆହୁଜା ପ୍ଲେୟାର ଅଫ ଦି ମ୍ୟାଚ ବିବେଚିତ ହୋଇଥିବାବେଳେ ଶ୍ରେୟଙ୍କା ପାଟିଲ ପ୍ଲେୟାର ଅଫ ଦି ଟୁର୍ଣ୍ଣାମେଣ୍ଟ ବିବେଚିତ ହୋଇଛନ୍ତି ।
ଏହା ବି ପଢନ୍ତୁ...Intercontinental Cup: ଦ୍ବିତୀୟ ଟାଇଟଲ ହାତେଇଲା ଭାରତ, 1 କୋଟି ପୁରସ୍କାର ଘୋଷଣା କଲେ ନବୀନ
ହଂକଂର ମଙ୍ଗ କୋକରେସ୍ଥିତ ମିସନ ରୋଡ ଗ୍ରାଉଣ୍ଡରେ ଫାଇନାଲ ମୁକାବିଲା ହୋଇଥିଲା । ଏଥିରେ ଭାରତ-ଏ ଓ ବାଂଲାଦେଶ ମୁହାଁମୁହିଁ ହୋଇଥିଲେ । ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଭାରତ-ଏ ଦଳ । ନିର୍ଦ୍ଧାରିତ 20 ଓଭରରେ ଭାରତ 7 ୱିକେଟ ହରାଇ 127ରନ କରିଥିଲା । ଏହି ମ୍ୟାଚରେ 2 ୱିକେଟ ନେଇ ଦ୍ରୁତ 30 ରନ କରିଥିବା କନିକା ଆହୁଜା ପ୍ଲେୟାର ଅଫ ଦି ମ୍ୟାଚ ବିବେଚିତ ହୋଇଥିଲେ । ଭାରତୀୟ ସ୍ପିନର ଶ୍ରେୟଙ୍କା ପାଟିଲ ପ୍ଲେୟାର ଅଫ ଦି ଟୁର୍ଣ୍ଣାମେଣ୍ଟ ବିବେଚିତ ହୋଇଥିଲେ । ସେ ଟୁର୍ଣ୍ଣାମେଣ୍ଟରେ 9ଟି ୱିକେଟ ନେଇଥିଲେ । ପୂର୍ବରୁ 19 ବର୍ଷରୁ କମ ମହିଳା ବିଶ୍ବକପରେ ଭାରତ ଚମ୍ପିଆନ ହୋଇଥିଲା । ଏବେ ଏହି ସଫଳତାରେ ଆଉ ଏକ ପୃଷ୍ଠା ଯୋଡିଛି ଭାରତୀୟ-ଏ ଦଳ । ଫାଇନାଲ ମ୍ୟାଚରେ ଭାରତ ପକ୍ଷରୁ କନିକା ଆହୁଜା ଅପରାଜିତ 30ରନ, ଦିନେଶ ବୃନ୍ଦା 36, ୟୁ ଛେତ୍ରୀ 22 ରନ କରିଥିଲେ । ବାଂଲାଦେଶ ପକ୍ଷରୁ ନାହିଦା ଅକତେର ଓ ସୁଲତାନା ଖାତୁନ 2ଟି ଲେଖାଏଁ ୱିକେଟ ନେଇଥିଲେ ।