ହାଇଦ୍ରାବାଦ: 302 ରନର ବିଶାଳ ସ୍କୋରରେ ଶ୍ରୀଲଙ୍କାକୁ ପରାଜୟ କଲା ଭାରତ । ଭାରତୀୟ ପେସ ଆଟାକରେ ଧରାଶାୟୀ ଶ୍ରୀଲଙ୍କା, 302 ରନରେ ଜିତିଲା ଟିମ୍ ଇଣ୍ଡିଆ । 358 ରନ ସ୍କୋରକୁ ପିଛା କରି ଇନିଂସ ଆରମ୍ଭରୁ ଆଣ୍ଠେଇ ଥିଲା ଶ୍ରୀଲଙ୍କା । ଟିମ୍ ଇଣ୍ଡିଆର ବେଷ୍ଟ ବୋଲର ବୁମରା ପ୍ରଥମ ବଲରେ ଶ୍ରୀଲଙ୍କାର ଇନଫର୍ମ ନିଶଙ୍କାଙ୍କୁ ଏଲବିଡବ୍ଲ୍ୟୁ କରିଥିଲେ । ପରେ ସିରାଜ ଏବଂ ସାମି କୌଣସି ବ୍ୟାଟରଙ୍କୁ କ୍ରିଜରେ ତିଷ୍ଠିବାକୁ ଦେଇନଥିଲେ । ଏପରିକି ମାତ୍ର 3.1 ଓଭରରେ ଶ୍ରୀଲଙ୍କାର ସ୍କୋର ଥିଲା 4 ଓ୍ବିକେଟ ବିନିମୟରେ 3 ରନ ।
ପରେ 14 ରନରେ ପଞ୍ଚମ ଓ୍ବିକେଟ ଏବଂ 14ରେ ମଧ୍ୟ ଷଷ୍ଠ ଓ୍ବିକେଟ ପଡିଥିଲା । ପରେ 22 ରନରେ ସପ୍ତମ ଓ୍ବିକେଟ ଏବଂ 29 ରନରେ ଅଷ୍ଟମ ଓ୍ବିକେଟ ପଡିଥିଲା । ତେବେ 49 ରନରେ 9ମ ଏବଂ 55 ରନରେ 10 ଓ୍ବିକେଟ ପଡିଥିଲା ।
ଶ୍ରୀଲଙ୍କା ଦକ୍ଷରୁ 5 ଜଣ ବ୍ୟାଟର ଖାତା ଖୋଲିପାରିନଥିଲେ । ତେବେ ଦଳର ମାତ୍ର 3 ଜଣ ବ୍ୟାଟର ଦୁଇ ଅଙ୍କ ଛୁଇଁଥିଲେ । ମାଥ୍ୟୁସ 12 ରନ କରିଥିବା ବେଳେ ଥେକସେନା 12 ଏବଂ ରଜିଥା 14 ରନ ସ୍କୋର କରିଥିଲେ । ଶ୍ରୀଲଙ୍କା ପକ୍ଷରୁ ମାଥ୍ୟୁସ ସର୍ବାଧିକ 25ଟି ବଲ ଖେଳିଥିଲେ । ତେବେ 19.4 ଓଭରରେ 55 ରନ ସ୍କୋର କରି ଅଲଆଉଟ ହୋଇ ଯାଇଛି ଶ୍ରୀଲଙ୍କା ଦଳ ।