ବ୍ରିଷ୍ଟୋଲ: ଇଂଲଣ୍ଡ କଣ୍ଟ୍ରି ଗ୍ରାଉଣ୍ଡରେ ଠାରେ ମିତାଲି ରାଜଙ୍କ ନେତୃତ୍ବରେ ଭାରତୀୟ ମହିଳା କ୍ରିକେଟ ଟିମ ଖେଳୁଛି ଏକମାତ୍ର ଟେଷ୍ଟ । ମ୍ୟାଚରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି ଘରୋଇ ଇଲଂଣ୍ଡ ଟିମ୍ । ଉଭୟ ଭାରତ ଓ ଇଂଲଣ୍ଡ ପାଇଁ ଏହା ଗୁରୁତ୍ବପୂର୍ଣ୍ଣ ମ୍ୟାଚ । ଭାରତ ପକ୍ଷରୁ ଏହି ମ୍ୟାଚରେ ଡେବ୍ୟୁ କରିଛନ୍ତି ସର୍ବ କନିଷ୍ଠ ଖେଳାଳି ସେଫାଳି ବର୍ମା ।
ସେଫାଳିଙ୍କ ସହ ଦୀପ୍ତି ଶର୍ମା, ପୂଜା ଭସ୍ତ୍ରାକର, ସ୍ନେହ ରାଣା ଓ ତାନିୟା ଭାଟିଆ ମଧ୍ୟ ଭାରତ ପାଇଁ ଡେବ୍ୟୁ କରିଛନ୍ତି । ସେପଟେ ଇଂଲଣ୍ଡ ଟିମରେ ପ୍ରଥମ କୃଷ୍ଣକାୟ ମହିଳା ଭାବେ ସୋଫିଆ ଡଙ୍କଲି ଖେଳିବାକୁ ସୁଯୋଗ ପାଇଛନ୍ତି ।
ଭାରତୀୟ ପ୍ଲେଇଙ୍ଗ ଇଲେଭେନ (INDW) : ସ୍ମୃତି ମନ୍ଧାନା, ସେଫାଳି ବର୍ମା, ପୁନମ ରାଉତ, ମିତାଲି ରାଜ (ଅଧିନାୟକ), ହରମନପ୍ରୀତ କୌର, ଦୀପ୍ତୀ ଶର୍ମା, ସ୍ନେହ ରାଣା, ତାନିୟା ଭାଟିଆ (ୱିକେଟ କିପର), ଝୁଲଣ ଗୋସ୍ବାମୀ, ପୂଜା ଭସ୍ତ୍ରକାର, ଶିଖା ପାଣ୍ଡେ ।