ମେଲବର୍ଣ୍ଣ: କିଏ ହେବ ଟେଷ୍ଟ କ୍ରିକେଟର ବାଦଶାହା । ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲରେ କାହାର ହେବ ଜିତାପଟ ? ଭାରତ ନା ନ୍ୟୁଜିଲାଣ୍ଡ ? ସାଉଥାମ୍ପଟନରେ ଶୁକ୍ରବାର ଠାରୁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବାକୁ ଯାଉଥିବା WTC ଫାଇନାଲରେ ଏହା ନିର୍ଣ୍ଣୟ ହେବ । ତେବେ ଆଇସିସି ଇଭେଣ୍ଟର ଏହି ମେଗା ଫାଇନାଲ ମ୍ୟାଚ୍ ଉପରେ ବିଶ୍ବର ଧ୍ୟାନ କେନ୍ଦ୍ରୀଭୁତ ହୋଇଛି । ବିଶ୍ବତମାମର କ୍ରିକେଟ ଜଗତରୁ ଆସିବାରେ ଲାଗିଛି ବିଜେତା ଟିମକୁ ନେଇ ପୂର୍ବାନୁମାନ ଓ ପ୍ରତିକ୍ରିୟା । ଏହି କ୍ରମରେ ସାମିଲ ହୋଇଛନ୍ତି, ଅଷ୍ଟ୍ରେଲିଆର ଟେଷ୍ଟ କ୍ୟାପଟେନ୍ ଟିମ ପେଇନ ।
ପେଇନଙ୍କ ମତରେ ବିଶ୍ବ ଟେଷ୍ଟ ଚମ୍ପିଆନସିପର ପ୍ରଥମ ସଂସ୍କରଣରେ ଭାରତ ସହଜରେ ନ୍ୟୁଜିଲାଣ୍ଡକୁ ହରାଇ ବିଜୟୀ ହେବ । ଏଥିରେ ସନ୍ଦେହ ନାହିଁ ।