ନୂଆଦିଲ୍ଲୀ:ଘରୋଇ ଭାରତ ଓ ଭ୍ରମଣକାରୀ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ଦିନିକିଆ ସିରିଜର ଆଜି ଅନ୍ତିମ ଲଢେଇ । ମ୍ୟାଚ୍ ପାଇଁ ଟସ ପଡି ସାରିଛି । ତୃତୀୟ ଦିନିକିଆ ଟସ୍ ଜିତିଛି ଟିମ ଇଣ୍ଡିଆ । ଦକ୍ଷିଣ ଆଫ୍ରିକା ବିପକ୍ଷରେ ବୋଲିଂ ନିଷ୍ପତ୍ତି ନେଇଛନ୍ତି ଅଧିନାୟକ ଶିଖର ଧାୱନ । ମେଘୁଆ ପାଗ ପାଇଁ ଟସରେ ବିଳମ୍ବ ହୋଇଥିଲା । ପ୍ରାୟ ଏକଘଣ୍ଟା ପରେ ଟସ ପଡିଥିଲା । ଶିଖର ଧାୱନ ଟସ ଜିତି ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି । ଦକ୍ଷଣ ଆଫ୍ରିକା ଦଳର ନେତୃତ୍ବ ନେଇଛନ୍ତି ଡେଭିଡ ମିଲର । ଦିନିକିଆ ଅଧନାୟକ ଭାର ସମ୍ଭାଳିବାରେ ଡେବ୍ୟୁ କରିଛନ୍ତି ମିଲର ।
ଭାରତୀୟ ଏକାଦଶରେ ପରିବର୍ତ୍ତନ ହୋଇନାହିଁ । ଦ୍ବିତୀୟ ଦିନିକିଆରେ ଖେଳିଥିବା ସମସ୍ତ ଖେଳାଳି ଚୂଡାନ୍ତ ଏକାଦଶରେ ସ୍ଥାନ ପାଇଛନ୍ତି । ସିରିଜ ବରାବର ସ୍ଥିତିରେ ରହିଛି । ଅନ୍ତିମ ମୁକାବିଲା ସହ ସିରିଜ ଜିତିବାକୁ ଲକ୍ଷ୍ୟ ରଖିଛି ଟିମ ଇଣ୍ଡିଆ । ପାଗକୁ ଦେଖି ବୋଲିଂ ନିଷ୍ପତ୍ତି ନେଇଛନ୍ତି ଧାୱନ । ଛୋଟ ମୋଟ ତ୍ରୁଟିକୁ ସୁଧାରି ଦଳ ଏକ ସଫଳ ଇନିଂସ ଖେଳିବା ଲକ୍ଷ୍ୟରେ ରହିଛି । ସେପଟେ ଅନ୍ତିମ ଲଢେଇ ଜିତି ସିରିଜ କବଜା କରି ଗସ୍ତ ଶେଷ କରିବାକୁ ଜୋରଦାର ପ୍ରସ୍ତୁତି କରିଛି ଭ୍ରମଣକାରୀ ଦଳ ଦକ୍ଷିଣ ଆଫ୍ରିକା । ନୂଆଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯାଉଛି ମ୍ୟାଚ୍ ।