କେପଟାଉନ:ଦେଢ ଦିନରେ ସରିଲା ଭାରତ ଓ ଦକ୍ଷିଣ ଆଫ୍ରିକା ଟେଷ୍ଟ ସିରିଜ । ଆଜି ଦ୍ବିତୀୟ ଟେଷ୍ଟ ମ୍ୟାଚ ଖେଳାଯାଉଥିବା ବେଳେ ଭାରତ ଦମଦାର ବିଜୟ ହାସଲ କରିଛି । ପ୍ରଥମ ଟେଷ୍ଟ ମ୍ୟାଚରେ ଭାରତ ପରାଜୟ ବରଣ କରିଥିଲା ସତ, ହେଲେ ଦ୍ବିତୀୟ ଟେଷ୍ଟରେ ଟିମ ଇଣ୍ଡିଆ କମବ୍ୟାକ୍ କରି ଦମଦାର ବିଜୟ ହାସଲ କରିଛି । ଭାରତୀୟ ଷ୍ଟାର ବୋଲର ଜଶପ୍ରୀତ ବୁମରାହ ଆଜି ୬ଟି ୱିକେଟ ନେଇଥିବା ବେଳେ ଭାରତ ୭ ୱିକେଟ ମ୍ୟାଚ ଜିତି ନେଇଥିବା ବେଳେ ୭୯ ରନ୍ ଟାର୍ଗେଟକୁ ୩ ୱିକେଟରେ ହାସଲ କରିଛି ।
ଏହା ବି ପଢନ୍ତୁ- 2ୟ ଟେଷ୍ଟ: କେପ୍ଟାଉନ୍ରେ ବୋଲରଙ୍କ କମାଲ; ପ୍ରଥମ ଦିନରେ ଗଲା 23 ୱିକେଟ୍
ଭାରତ ବିପକ୍ଷରେ ଦକ୍ଷିଣ ଆଫ୍ରିକା ଘରୋଇ ମାଟିରେ ଏହି ଟେଷ୍ଟ ସିରିଜ ଖେଳୁଥିଲା । ପ୍ରଥମ ଟେଷ୍ଟରେ ଭାରତ ପରାଜିତ ହେବା ପରେ ଗତକାଲିଠୁ ଉଭୟ ଟିମ ମଧ୍ୟରେ ଦ୍ବିତୀୟ ଟେଷ୍ଟ ମ୍ୟାଚ୍ ଆରମ୍ଭ ହୋଇଥିଲା । ପ୍ରଥମ ଦିନରୁ ଦକ୍ଷିଣ ଆଫ୍ରିକୀୟ କ୍ରିକେଟରଙ୍କ ଉପରେ ଭାରି ପଡ଼ିଥିଲା ଟିମ ଇଣ୍ଡିଆ । ଭାରତୀୟ ବୋଲର ମହମ୍ମଦ ସିରାଜଙ୍କ ଆକ୍ରମଣାତ୍ମକ ବୋଲିଂରେ ଦ୍ବିତୀୟ ଟେଷ୍ଟ ମ୍ୟାଚର ପ୍ରଥମ ଇନିଂସରେ ୫୫ ରନ୍ରେ ଅଲଆଉଟ୍ ହୋଇଥିଲା ଦକ୍ଷିଣ ଆଫ୍ରିକା । ଏହାପରେ ଭାରତୀୟ ଟିମ ମୈଦାନକୁ ଓହ୍ଲାଇଥିବା ବେଳେ ୨ କିମ୍ବଦନ୍ତୀ ପ୍ଲେୟାର ବିରାଟ କୋହଲି ଓ ରୋହିତ ଶର୍ମାଙ୍କ ଦମଦାର ଅର୍ଦ୍ଧଶତକ ଦେଖିବାକୁ ମିଳିଥିଲା । ଏହାସହିତ ଟିମ ଇଣ୍ଡିଆ ୧୭୬ ରନ୍ରେ ଅଲଆଉଟ୍ ହୋଇ ୧୨୧ ରନ୍ରେ ବିପକ୍ଷ ଦଳଠାରୁ ଆଗରେ ରହିଥିଲା ।