ଲକ୍ଷ୍ନୌ: ସଦ୍ୟ ସମାପ୍ତ ଟି-ଟ୍ବେଣ୍ଟି ସିରିଜ ପରେ ଆଜିଠୁ ଘରୋଇ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଆରମ୍ଭ ହେବାକୁ ଯାଉଛି 3 ମ୍ୟାଚ ବିଶିଷ୍ଟ ଦିନିକିଆ ସିରିଜ । ଶିଖର ଧାୱନଙ୍କ ନେତୃତ୍ବରେ ଗ୍ରାଉଣ୍ଡରୁ ଓହ୍ଲାଇବ ଟିମ ଇଣ୍ଡିଆ । ଟି-ଟ୍ବେଣ୍ଟି ସିରିଜ କବଜା ପରେ ଦିିନିକିଆ ସିରିଜର ପ୍ରଥମ ମୁକାବିଲା ଜିତି ବିଜୟରୁ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି । ଲକ୍ଷ୍ନୌର ଅଟଳ ବିହାରୀ ବାଜପେୟୀ ଏକାନା କ୍ରିକେଟ ଷ୍ଟାଡିୟମରେ ଅପରାହ୍ନ 2ଟାରେ ମ୍ୟାଚ ଆରମ୍ଭ ହେବାର ଥିଲା ମାତ୍ର ବର୍ଷା ବାଧକ ସାଜିଛି । ପ୍ରବଳ ବର୍ଷା ହେବାରୁ ଟସରେ ବିଳମ୍ବ ହୋଇଛି । ଟି-ଟ୍ବେଣ୍ଟି ସିରିଜ ହାରିବା ପରେ ଦିନିକିଆ ସିରିଜ କବଜା କରିବାକୁ ଜୋରଦାର ପ୍ରସ୍ତୁତି କରିଛି ଭ୍ରମଣକାରୀ ଦଳ ଦକ୍ଷିଣ ଆଫ୍ରିକା ।
ବର୍ଷା ପାଇଁ ମ୍ୟାଚ ଆରମ୍ଭରେ ବିଳମ୍ବ ହାେଇଛି । ପଡିଆକୁ ବର୍ଷାରୁ ସୁରକ୍ଷା ଦେବା ପାଇଁ ପ୍ରସ୍ତୁତି ହୋଇଛି । ଯଦି ବର୍ଷା ନ ଛାଡେ ତେବେ ମ୍ୟାଚ ଡ୍ର ହେବାର ସମ୍ଭାବନା ରହିଛି । ଯଦି ମ୍ୟାଚ ହୁଏ ତେବେ ଓଭର କମ୍ କରାଯିବ । ଆଜିର ମୁକବିଲା ଜିତିବାକୁ ଭାରତ ଜୋରଦାର ପ୍ରସ୍ତୁତି କରିଛି । ଟି-ଟ୍ବେଣ୍ଟି ସିରିଜ ହାତେଇଥିବାରୁ ଭାରତର ମନୋବଳ ଦୃଢ ରହିଛି । ତେବେ ଡେଥ ଓଭର ବୋଲିଂ ସମସ୍ୟା ରହିଛି । ଏ ସମସ୍ୟାକୁ ସୁଧାରି ଦଳ ଆଜି ଭଲ ପ୍ରଦର୍ଶନ କରିବାକୁ ଲକ୍ଷ୍ୟ ରଖିଛି । ଟି-ଟ୍ବେଣ୍ଟି ପରେ ଘରୋଇ ମାଟିରେ ଭ୍ରମଣକାରୀ ଦଳକୁ ଚେକ୍ ଦେବାକୁ ରଣନୀତି ପ୍ରସ୍ତୁତ କରିଛି । ଆଗାମୀ ଟି-୨୦ ବିଶ୍ୱକପ୍କୁ ନଜରରେ ରଖି ଦଳ କିଛି ବରିଷ୍ଠ ଖେଳାଳିଙ୍କୁ ଦିନିକିଆ ସିରିଜ୍କୁ ବାଦ୍ ଦିଆଯାଇଛି । ସାଉଥ ଆଫ୍ରିକା ବିପକ୍ଷ ଦିନିକିଆ ସିରିଜ୍ ଲାଗି ଏକ ଯୁବ ଟିମ୍କୁ ଚୟନ କରାଯାଇଛି । ଯାହାର ମଙ୍ଗ ସମ୍ଭାଳିବେ ବ୍ୟାଟସମ୍ୟାନ୍ ଶିଖର ଧାଓ୍ୱନ ।
ଏହା ବି ପଢନ୍ତୁ...Legends League Cricket: ଇଣ୍ଡିଆ କ୍ୟାପିଟାଲ୍ସ ହାତେଇଲା ଟ୍ରଫି