କାନପୁର:ଘରୋଇ ଭାରତ ଓ ନ୍ୟୁଜିଲାଣ୍ଡ (India vs New Zealand match) ମଧ୍ୟରେ ଆଜିଠାରୁ ଆରମ୍ଭ ହେବାକୁ ଯାଉଛି ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ। କାନପୁରର ଗ୍ରୀନ ପାର୍କରେ ଖେଳାଯିବ ମ୍ୟାଚ । ଏହି ଟେଷ୍ଟ ଦୁଇଦଳ ପାଇଁ ଗୁରୁତ୍ବ ବହନ କରିବ । ଅଜିଙ୍କ୍ୟ ରାହାନେଙ୍କ ନେତୃତ୍ବରେ ପଡିଆକୁ ଓହ୍ଲାଇବ ଭାରତ । ଟେଷ୍ଟ ଚାମ୍ପିଅନସିପରେ ପରାଜୟର ପ୍ରତିଶୋଧ ନେବାକୁ ଭାରତ ଲକ୍ଷ୍ୟ ରହିଛି ।
ଟେଷ୍ଟରେ ଯୁବ ଖେଳାଳି ଶ୍ରେୟାସ ଆୟରଙ୍କୁ ସାମିଲ କରାଯାଇଛି । ଭାରତର ୩୦୩ ଖେଳାଳି ଭାବରେ ଟେଷ୍ଟ ମ୍ୟାଚରେ ପଦାର୍ପଣ କରିବାକୁ ଯାଉଛନ୍ତି । ପ୍ରଥମ ଶ୍ରେଣୀ କ୍ରିକେଟରେ ଆୟରଙ୍କ ୫୨.୧୮ ହାରର ୪୫୯୨ ରନ ସଂଗ୍ରହ କରିଛନ୍ତି । ସେଥିରୁ ୧୨ ଶତକ ଓ ୨୩ ଅର୍ଦ୍ଧଶତକ ରହିଛି । ରନ ରେଟ ଅନୁସାରେ ଟେଷ୍ଟରେ ଆୟରଙ୍କ ବ୍ୟାଟରୁ ଆଜି କିଛି ସଫଳ ସଟ ଆଶା କରାଯାଉଛି । ପ୍ରଥମ ଟେଷ୍ଟରେ ବିରାଟ କୋହଲି, ରୋହିତ ଶର୍ମା, ଲୋକେଶ ରାହୁଲ ଓ ରିଷବ ପନ୍ତ ଖେଳିବେ ନାହିଁ । ଆୟର ମଧ୍ୟଭାଗ ବ୍ୟାଟିଂ କରିବେ । ମୟଙ୍କ ଅଗ୍ରୱାଲ ଓ ଶୁଭମନ ଗିଲ ପାଳି ଆରମ୍ଭ କରିବେ ।