ଢାକା:ଭାରତ ଓ ଘରୋଇ ବାଂଲାଦେଶ ମଧ୍ୟରେ ଟେଷ୍ଟ ସିିରିଜ ଆରମ୍ଭ ହୋଇଛି ( India vs bangladesh test series) । 2 ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ସ୍ଥାନୀୟ ଜହୁର ଅହମ୍ମଦ ଷ୍ଟାଡିୟମରେ ଆରମ୍ଭ ହୋଇଛି । ଟସ୍ ଜିତି ବ୍ୟାଟିଂ କରୁଛି ଭାରତ । ଲୋକେଶ ରାହୁଲଙ୍କ ନେତୃତ୍ବରେ ପଡିଆକୁ ଓହ୍ଲାଇଛି ଭାରତ ।
ଅଧିନାୟକ କେଏଲ ରାହୁଲ ଓ ଶୁଭମନ ଗିଲ ପାଳି ଆରମ୍ଭ କରିଛନ୍ତି । ଦଳୀୟ ସ୍କୋର 45 ଦଳର ଦୁଇ ଓପନର ପାଭିଲିୟନ ଫେରିଛନ୍ତି । 20 ବଲରେ 40 ରନ କରି ଆଉଟ ହୋଇଛନ୍ତି ଶୁଭମନ ଗିଲ । ଟିଜୁଲ ଇସଲାମଙ୍କ ଶିକାର ହୋଇଛନ୍ତି ଶୁଭମନ । ପରେ ପରେ ଅଧିନାୟକ କେଏଲ ରାହୁଲ ମଧ୍ୟ ସଅଳ ପାଭିଲିୟନ ଫେରିଛନ୍ତି । 22 ବଲ 54 ରନ କରି ଅହମ୍ମଦଙ୍କ ବଲରେ ଆଉଟ ହୋଇଛନ୍ତି ରାହୁଲ । ଏହା ପରେ ବିରାଟ କୋହଲି ଓ ପୂଜାରା ପାଳି ସମ୍ଭାଳିଛନ୍ତି ।
ଦୁଇ ଦେଶ ମଧ୍ୟରେ ଏପର୍ଯ୍ୟନ୍ତ ୭ଟି ଟେଷ୍ଟ ସିରିଜ ଖେଳାଯାଇଛି । ଏହି ସିରିଜରେ ଭାରତର ପଲ୍ଲା ଭାରି ରହିଛି । ୬ଟି ଟେଷ୍ଟ ସିରିଜରେ ଭାରତ ବିଜୟ ଲାଭ କରିଥିବା ବେଳେ ଗୋଟିଏ ସିରିଜ ଡ୍ର ରହିଥିଲା । ତେବେ ଏହି ଟେଷ୍ଟ ସିରିଜରେ ଭାରତ ବାଂଲାଦେଶକୁ ହରାଇ ଟେଷ୍ଟ ସିରିଜ୍ ହାତେଇବାକୁ ଅପ୍ରାଣ ଉଦ୍ୟମ କରିବ । ସଦ୍ୟ ସମାପ୍ତ ଟି-20 ଓ ଦିନିକିଆ ମୁକାବିଲାରେ ଭାରତ ଟି-20 ସିରିଜ କବଜା କରିଥିବା ବେଳେ ବାଂଲାଦେଶ ଦିନିକିଆ ସିରିଜ ହାତେଇଥିଲା ।
ଏହା ବି ପଢନ୍ତୁ...INDvsAUS 3rd T20I: ସୁପର ଓଭରରେ ମିଳିଥିବା ବିଜୟ ଧାରା ରଖିବା ଲକ୍ଷ୍ୟରେ ଭାରତ