ଢାକା:ଘରୋଇ ବାଂଲାଦେଶ ଓ ଭାରତ ମଧ୍ୟରେ ଟି-ଟ୍ବେଣ୍ଟି ସିରିଜ ଜାରି ରହିଛି । ଆଜି ଦ୍ବିତୀୟ ଟି ଟ୍ବେଣ୍ଟି ମ୍ୟାଚ ଆରମ୍ଭ ହୋଇଛି । ଭାରତୀୟ ଅଧିନାୟିକା ହରର୍ମନପ୍ରୀତ କୌର ଟସ ଜିତି ବ୍ୟାଟିଂ ନିଷ୍ପତ୍ତି ନେଇଛନ୍ତି । ଘରୋଇ ଦଳକୁ ବ୍ୟାଟଂ ଆମନ୍ତ୍ରଣ ଦେଇଛି ଭାରତ । ଗତ 9 ତାରିଖରେ ଖେଳାଯାଇଥିବା ପ୍ରଥମ ଟି -ଟ୍ବେଣ୍ଟି ମ୍ୟାଚ ଜିତି ଭାରତୀୟ ମହିଳା କ୍ରିକେଟ ଦଳ 1-0ରେ ଆଗୁଆ ରହିଛି । ଆଜି ଦ୍ବିତୀୟ ଟି-ଟ୍ବେଣ୍ଟି ଜିତି ଆଗୁଆ ସିରିଜ କବଜା କରିବା ଲକ୍ଷ୍ୟରେ ରହିଛି ।
ଏହା ବି ପଢନ୍ତୁ...IndW vs BanW 1st T20: ହରମନପ୍ରୀତଙ୍କ ମ୍ୟାଚ୍ ବିଜୟୀ ପାଳି, ୭ ୱିକେଟ୍ରେ ହାରିଲା ବାଂଲାଦେଶ
ଦୁଇଦଳ ମଧ୍ୟରେ ମୋଟ 14ଟି ଟି-ଟ୍ବେଣ୍ଟି ମ୍ୟାଚ ଖେଳାଯାଇଛି । ଏଥିରେ ଭାରତ 14ଟି ମ୍ୟାଚ ଜିତିଛି । ତେଣୁ ରେକର୍ଡ ଦେଖିଲେ ଭାରତର ପଲ୍ଲା ଭାରି ରହିଛି । ପ୍ରଥମ ଟି-ଟ୍ବେଣ୍ଟି ମ୍ୟାଚରେ ଭାରତ ଟସ ଜିତି ଫିଲ୍ଡିଂ ନିଷ୍ପତ୍ତି ନେଇଥିଲେ । ଆଜି ବ୍ୟାଟିଂ ନିଷ୍ପତ୍ତି ନେଇଛନ୍ତି । ପ୍ରଥମ ମ୍ୟାଚରେ 7 ୱିକେଟରେ ସହଜ ବିଜୟ ହାସଲ କରିଥିଲା ଭାରତ । ଯେଉଁଥିରେ ଅଧିନାୟିକା ହର୍ମନପ୍ରୀତ କୌର ଦମଦାର ଇନିଂସ ଖେଳିଥିଲେ । 35 ବଲରେ 54ରନ କରିଥିଲେ ହର୍ମନପ୍ରୀତ । ସ୍ମୃତି ମାନ୍ଧନା ଗୁରୁତ୍ବପୂର୍ଣ୍ଣ 38 ରନ୍ କରିଥିଲେ । ପ୍ରଥମ ମ୍ୟାଚ୍ ଭାରତ ଜିତିଥିଲେ ସୁଦ୍ଧା ପ୍ରତିଭାଶାଳୀ ସେଫାଳି ବର୍ମା ପ୍ରଥମ ମ୍ୟାଚରେ ଏତେ ଭଲ ପ୍ରଦର୍ଶନ କରିନଥିଲେ । ଆଜି ଉଭୟଙ୍କୁ ଭଲ ପ୍ରଦର୍ଶନ କରିବାକୁ ପଡିବ । ସେପଟେ ପ୍ରଥମ ଟି-ଟ୍ବେଣ୍ଟିରେ କରିଥିବା ତ୍ରୁଟି ଯେପରି ରିପିଟ ନହୁଏ ନୂଆ ରଣନୀତି ନେଇ ମୈଦାନକୁ ଓହ୍ଲାଇଛି ଘରୋଇ ଦଳ ।