ବିଶାଖାପାଟନମ:ସ୍ଥାନୀୟ ୱାଇ ରାଜଶେଖର ରେଡ୍ଡୀ ଷ୍ଟାଡିୟମରେ ଘରୋଇ ଭାରତ ଓ ଭ୍ରମଣକାରୀ ଦଳ ଅଷ୍ଟ୍ରେଲିଆ ମଧ୍ୟରେ ଦ୍ବିତୀୟ ଦିନିକିଆ ଆରମ୍ଭ ହୋଇଛି । ଟସ ଜିତି ପ୍ରଥମ ଫିଲ୍ଡିଂ ନିଷ୍ପତ୍ତି ନେଇଛନ୍ତି ଅଷ୍ଟ୍ରେଲିଆ ଅଧିନାୟକ ସ୍ମିଥ । ଭାରତକୁ ବ୍ୟାଟିଂ ଆମନ୍ତ୍ରଣ ଦେଇଛି କଙ୍ଗାରୁ ଦଳ । ଭାରତୀୟ ଦଳରେ ଦୁଇଟି ପରିବର୍ତ୍ତନ କରାଯାଇଛି । ନିୟମିତ ଅଧିନାୟକ ରୋହିତ ଶର୍ମା ଫେରିଥିବାରୁ ଇଷାନ କିଷନ ଚୂଡାନ୍ତ ଏକାଦଶରୁ ବାଦ ପଡିଛନ୍ତି । ସେହିପରି ବୋଲିଂରେ ସାର୍ଦ୍ଦୁଳ ଠାକୁରଙ୍କ ସ୍ଥାନରେ ଅକ୍ଷର ପଟେଲଙ୍କୁ ଏକାଦଶରେ ସାମିଲ କରାଯାଇଛି ।
ରୋହିତଙ୍କ ଅନୁପସ୍ଥିତିରେ ଭାରତ ପ୍ରଥମ ଦିନିକିଆ ଜିତିଥିଲା । ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ବରେ କଙ୍ଗାରୁ ଦଳକୁ ମାତ ଦେଇଥିଲା ଭାରତ । ଆଜି ଦ୍ବିତୀୟ ଦିନିକିଆ ଜିତି ସିରିଜ ହାତେଇବା ଲକ୍ଷ୍ୟରେ ରହିଛି ମେନ ଇନ ବ୍ଲ୍ୟୁ । ରୋହିତ ଆସିବା ପରେ ଦଳରେ ଆଜି ପରିବର୍ତ୍ତନର ହୋଇଛି । ଇଷାନ କିଶନ ଏକାଦଶରୁ ବାଦ ପଡିଛନ୍ତି । ବୋଲିଂ ବିଭାଗରେ ସାର୍ଦ୍ଦୁଳ ଠାକୁରଙ୍କ ବଦଳରେ ଅକ୍ଷର ପଟେଲ ଏକାଦଶରେ ସାମିଲ ହୋଇଛନ୍ତି । ଆଜିର ମ୍ୟାଚକୁ ନେଇ ପ୍ରଶଂସକ ବେଶ ଉତ୍ସାହିତ ଅଛନ୍ତି ।
ଏହା ବି ପଢନ୍ତୁ...Hockey India Annual Award: ହାର୍ଦ୍ଦିକ-ସବିତା ଶ୍ରେଷ୍ଠ ଖେଳାଳି, 3 ଓଡିଆ ତାରକା ସମ୍ବର୍ଦ୍ଧିତ