ବ୍ରିସବେନ: ଅଷ୍ଟ୍ରେଲିଆ ଗସ୍ତରେ ଆହତ ସମସ୍ୟା ଭାରତୀୟ ଦଳର ପିଛା ଛାଡ଼ିବାର ନାଁ ଧରୁନି। ଏହାସତ୍ତ୍ବେ ଆଜି(ବୁଧବାର) ଗାବାରେ ଅଭ୍ୟାସ ଆରମ୍ଭ କରିଛି ଟିମ ଇଣ୍ଡିଆ। ଚତୁର୍ଥ ତଥା ଶେଷ ଟେଷ୍ଟ ମ୍ୟାଚରେ ଦମଦାର ଚୂଡ଼ାନ୍ତ 11 ଜଣ ଖେଳାଳିକୁ ପଡି଼ଆକୁ ଓହ୍ଲାଇବା ଆଶାରେ ରହିଛି ଭାରତୀୟ ଦଳ।
ମାଂସପେଶୀରେ ଆଘାତ ଯୋଗୁଁ ଶେଷ ଟେଷ୍ଟରୁ ବାଦ ପଡ଼ିଛନ୍ତି ଫାଷ୍ଟ ବୋଲର ଜଶପ୍ରୀତ ବୁମରା। ଏହାସତ୍ତ୍ବେ ସେ ପଡ଼ିଆକୁ ଓହ୍ଲାଇଥିବା ଦେଖାଯାଇଛି। କିନ୍ତୁ ସେ କୌଣସି ବୋଲିଂ କିମ୍ବା ଦୌଡ଼ ଅଭ୍ୟାସ କରିନଥିଲେ। ସେ ବୋଲିଂ କୋଚ ଭରତ ଅରୁଣଙ୍କ ସହ କିଛି ଆଲୋଚନା କରୁଥିବା ଦେଖା ଦେଇଥିଲା। ଅଭ୍ୟାସ ବେଳେ ମୁଖ୍ୟ କୋଚ ରବି ଶାସ୍ତ୍ରୀ ମଧ୍ୟ ଖେଳାଳିଙ୍କ ସହ ଆଲୋଚନା କରୁଥିବା ନଜରକୁ ଆସିଛି।