ନୂଆଦିଲ୍ଲୀ: ବର୍ଡର ଗାଭାସ୍କାର ଟ୍ରଫି ବିଜୟକୁ ନେଇ ଭାରତକୁ ପ୍ରଶଂସା କରିଛନ୍ତି ଜାତୀୟ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ। ନାନା ସମସ୍ୟା ସତ୍ତ୍ବେ ଟିମ ଇଣ୍ଡିଆ ଲଢ଼ୁଆ ପ୍ରଦର୍ଶନ କରି ବିଶ୍ବରେ ଦେଶକୁ ଗୌରବାନ୍ବିତ କରିଛି। ସିରିଜ ଆରମ୍ଭ ହେବା ପରେ ଭାରତ ସହ ନାନା ସମସ୍ୟା ରହିଥିଲା। ଏହାକୁ ଏଡ଼ାଇ ଭାରତ ଐତିହାସିକ ବିଜୟ ହାସଲ କରିଛି ବୋଲି କହିଛନ୍ତି ସୋନିଆ।
ଅଷ୍ଟ୍ରେଲିଆ ବିପକ୍ଷରେ ଭାରତ ଜବରଦସ୍ତ ବିଜୟକୁ ନେଇ ବିସିସିଆଇ ନିକଟରୁ ଏକ ଚିଠି ଲେଖିଛନ୍ତି ସୋନିଆ ଗାନ୍ଧି। ଚିଠିରେ ସେ ଲେଖିଛନ୍ତି ଯେ, ବ୍ରିସବେନ ଟେଷ୍ଟରେ ବିଜୟ ପରେ କୋଟି କୋଟି ଭାରତୀୟଙ୍କ ଭଳି ମୁଁ ମଧ୍ୟ ଗର୍ବ ଅନୁଭବ କରୁଛି। ଏତେ ସାରା ବାଧବିଘ୍ନକୁ ଖାତିର ନକରି ଭାରତ ଦମଦାର ପ୍ରଦର୍ଶନ ଦେଖାଇଥିଲା। ଏଥିପାଇଁ ବିଶ୍ବରେ ଏବେ ଭାରତୀୟ ଦଳକୁ ନେଇ ଚର୍ଚ୍ଚା ରହିଛି।