ବ୍ରିସବେନ: ‘ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜ ଡ୍ର ହେଲେ ଅଷ୍ଟ୍ରେଲିଆ ପାଇଁ ପରାଜୟ ସହ ସମାନ ହେବ’ ବର୍ଡର ଗାଭାସ୍କର ଟେଷ୍ଟ ସିରିଜକୁ ନେଇ ଏଭଳି ମନ୍ତବ୍ୟ ଦେଇଛନ୍ତି ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ। ବର୍ତ୍ତମାନ ଭାରତୀୟ ଦଳ ଆହତ ସମସ୍ୟା ଦେଇ ଗତି କରୁଛି। ଏହାସତ୍ତ୍ବେ ଟିମ ଇଣ୍ଡିଆ କଙ୍ଗାରୁ ଦଳ ଆଗରେ ଲଢ଼ୁଆ ପ୍ରଦର୍ଶନ କରିଛି।
ପଣ୍ଟିଂଙ୍କ ଅନୁଯାୟୀ ବର୍ତ୍ତମାନ ସୁଦ୍ଧା ଭାରତୀୟ ଦଳରେ 20ଜଣ ଖେଳାଳି ସାମିଲ ହୋଇ ସାରିଛନ୍ତି। ସେମାନଙ୍କ ମଧ୍ୟରୁ ଭାରତ ଆଗଧାଡ଼ିର ବୋଲର ଏହି ସିରିଜରୁ ବାଦ ପଡ଼ିଥିଲେ। ଏହାଛଡ଼ା ବିରାଟ କୋହଲି ଟିମ ସହ ନାହାନ୍ତି। କେତେକ ପ୍ରମୁଖ ବ୍ୟାଟସମ୍ୟାନଙ୍କୁ ଛାଡ଼ିଦେଲେ ଭାରତ ପାଖରେ ବର୍ତ୍ତମାନ ସେତେଟା ଅଭିଜ୍ଞ ବୋଲିଂ ଆଟାକ ନାହିଁ। ଏହି ସମୟରେ ଭାରତ ସହ ସହ ଏହି ସିରିଜ ଡ୍ର ହେଲେ ଅଷ୍ଟ୍ରେଲିଆ ପାଇଁ ଏହା ପରାଜୟ ସହ ସମାନ।