ବ୍ରିସବେନ: ନମ୍ବର 3ରେ ବ୍ୟାଟସମ୍ୟାନ ଚେତେଶ୍ବର ପୂଜାରା ଟେଷ୍ଟ କ୍ରିକେଟରେ ଜଣେ ଯୋଦ୍ଧା ଭାବରେ ଉଭା ହୋଇଛନ୍ତି। ବ୍ରିସବେନର ଐତିହାସିକ ବର୍ଡର ଗାଭାସ୍କାର ଟ୍ରଫିରେ ବଜୟ ହାସଲ କରିବା ପରେ ଏହା କହିଛନ୍ତି ଭାରତୀୟ ଦଳ କୋଚ ରବି ଶାସ୍ତ୍ରୀ। ଗାବାରେ ଖେଳାଯାଇଥିବା ଚତୁର୍ଥ ଟେଷ୍ଟ ମ୍ୟାଚର ଦ୍ବିତୀୟ ଇନିଂଶରେ ପୂଜାରା 211ଟି ବଲ ଖେଳି 56 ରନ କରିଥିଲେ।
ବ୍ୟାଟିଂ ସମୟରେ ଅନେକ ଥର ପ୍ୟାଟ କମିନ୍ସ ଓ ମିଚେଲ ଷ୍ଟାର୍କଙ୍କ ଦ୍ରୁତ ବଲ ପୂଜାରାଙ୍କ ଦେହରେ ବାଜିଥିଲା। କିନ୍ତୁ ସେ ଧୈର୍ଯ୍ୟର ସହ ପିଚ ଉପରେ ସମୟ ବିତାଇଥିଲେ। ଯାହା ଫଳରେ ଦଳ ବିଜୟ ଦ୍ବାର ଖୋଲିବା ଆରମ୍ଭ ହୋଇଥିଲା।
ଏକ ସାକ୍ଷାତକାରରେ ରବି ଶାସ୍ତ୍ରୀ କହିଛନ୍ତି ଯେ, "ପୂଜାରା ଦଳର ଜଣେ ଯୋଦ୍ଧା। ସିଡନୀ ଓ ବ୍ରିସବେନରେ ତାଙ୍କ ପ୍ରଦର୍ଶନ ଦେଖିବା ପରେ ମୁଁ କହିଥିଲି ପୂଜାରା ତୁମେ ତାଙ୍କୁ ହଇରାଣ କରିଦେଲ।"