ମେଲବୋର୍ଣ୍ଣ : ଅଷ୍ଟ୍ରେଲିଆ ମେଲବୋର୍ଣ୍ଣରେ ଅନୁଷ୍ଠିତ ବକ୍ସି ଡେ ଟେଷ୍ଟ ମ୍ୟାଚରେ ଭାରତୀୟ ଟିମର ଐତିହାସିକ ବିଜୟ । 8 ୱିକେଟରେ ଭ୍ରମଣକାରୀ ଦଳ କଙ୍ଗାରୁ ଦଳକୁ ପରାସ୍ତ କରିଛି । ଦ୍ବିତୀୟ ପାଳିରେ ଭାରତ ସାମ୍ନାରେ 70 ରନର ଟାର୍ଗେଟ ଥିଲା । ଦଳ ଦୁଇ ୱିକେଟ ହରାଇ ମ୍ୟାଚ୍ରେ ବାଜିମାତ କରିଛି । ଅଜିଙ୍କ୍ୟ ରାହାଣେଙ୍କ ନେତୃତ୍ବରେ ମ୍ୟାଚର ପ୍ରଥମ ଦିନରୁ ଚମତ୍କାର ପ୍ରଦର୍ଶନ ସହ ଘରୋଇ ଅଷ୍ଟ୍ରେଲିଆ ଉପରେ ପ୍ରଭାବ ବିସ୍ତାର କରିଥିଲା ଭାରତ।
ଏହି ମ୍ୟାଚ୍ ପୂର୍ବରୁ ଗୋଲାପୀ ବଲ୍( ଡେ-ନାଇଟ) ଟେଷ୍ଟରେ ଲଜ୍ଜାଜନକ ପରାଜୟ ପରେ ଭାରତୀୟ ଦଳ ଏହାର ବଦଲା ନେଇଛି । ଯାହାର ଫଳରେ 4 ଟି ସିରିଜରୁ ବର୍ତ୍ତମାନ ଉଭୟ ଦଳ 1-1 ସିରିଜ ବରାବର ରଖିଛନ୍ତି ।
ଦ୍ବିତୀୟ ଟେଷ୍ଟର ପ୍ରଥମ ଇଂନିସରେ କଙ୍ଗାରୁ ଦଳ ମାତ୍ର 195 ରନରେ ଆଲଆଉଟ ହୋଇଥିଲା । ଜବାବରେ ଅଧିନାୟକ ଅଜିଙ୍କ୍ୟ ରାହାଣେ ଦମଦାର ଶତକ ଓ ଜାଡେଜାଙ୍କ 57 ରନର ଅର୍ଦ୍ଧଶତକୀୟ ଇଂନିସ ଓ ଶୁମୱ ଗିଲଙ୍କ 45 ରନର ସହାୟତାରେ ପ୍ରଥମ ଇଂନିସେ ଟିମ ଇଣ୍ଡି 326 ରନ କରିଥିଲା । ଫଳରେ ଅଷ୍ଟ୍ରେଲିଆ ଠାରୁ 131 ରନରେ ଆଗୁଆ ଥିଲା ଟିମ ।