ଅହମ୍ମଦାବାଦ : ତୃତୀୟ ଟି୨୦ ମ୍ୟାଚ ପାଇଁ ଅହମ୍ମଦାବାଦରେ ପହଁଞ୍ଚିଲା ଟିମ ଇଣ୍ଡିଆ । ଭାରତ ନ୍ୟୁଜିଲାଣ୍ଡ ମଧ୍ୟରେ ତିନି ଟିକିଆ ମ୍ୟାଚ ବିଶିଷ୍ଟ ଟି୨୦ ସିରିଜ ଜାରି ରହିଛି । ପ୍ରଥମ ଟି୨୦ ଓ ଦ୍ବିତୀୟ ଟି୨୦ ମ୍ୟାଚ ଶେଷ ହୋଇଛି । ସିରିଜ ୧-୧ ରେ ବରାବାର ରହିଛି । ଏହି ସିରିଜର ତୃତୀୟ ତଥା ଅନ୍ତିମ ଟି୨୦ ମ୍ୟାଚ ଆସନ୍ତାକାଲି (ବୁଧବାର) ଅହମ୍ମଦାବାଦରେ ଖେଳାଯିବ । ସନ୍ଧ୍ୟା ୭ ଟା ବେଳେ ନରେନ୍ଦ୍ର ମୋଦି ଷ୍ଟାଡିମୟରେ ଭାରତ ନ୍ୟୁଜିଲାଣ୍ଡ ମଧ୍ୟରେ ତୃତୀୟ ଟି୨୦ ମ୍ୟାଚ ଖେଳାଯିବ । ମୁକାବିଲା ପୂର୍ବରୁ ଟିମ ଇଣ୍ଡିଆ ଏବଂ ପ୍ରଶିକ୍ଷକ ରାହୁଲ ଦ୍ରାବିଡ ଅହମ୍ମଦାବାଦରେ ପହଁଞ୍ଚିଛନ୍ତି । ଏହାର ଭିଡିଓ BCCI ଟ୍ବିଟର ହ୍ୟାଣ୍ଡଲରେ ସେୟାର କରାଯାଇଛି । ଅହମ୍ମଦାବାଦରେ ପହଞ୍ଚିଲା ପରେ ଟିମ ଇଣ୍ଡିଆକୁ ଜୋରଦାର ସ୍ବାଗତ କରାଯାଇଥିଲା ।
BCCI ଟ୍ବିଟରରେ ଏହି ଭିଡିଓକୁ ସେୟାର କରିଥିବା ବେଳେ କ୍ୟାପସନରେ ଲେଖିଛି "ହେଲୋ ଅହମ୍ମଦାବାଦ । ଆମେ ଭାରତ ବନାମ ନ୍ୟୁଜିଲାଣ୍ଡ ବିପକ୍ଷରେ ତୃତୀୟ ଟି୨୦ ମ୍ୟାଚ ଖେଳିବା ପାଇଁ ଏଠାକୁ ଆସିଛୁ ।" ତେବେ ତୃତୀୟ ଟି୨୦ ମ୍ୟାଚରେ ଉଭୟ ନ୍ୟୁଜିଲାଣ୍ଡ ଏବଂ ଭାରତ ସିରିଜ କବଜା କରିବା ଲକ୍ଷ୍ୟରେ ମଇଦାନକୁ ଓହ୍ଲାଇବେ । ଏହି ସିରିଜର ପ୍ରଥମ ଟି୨୦ ମ୍ୟାଚରେ ନ୍ୟୁଜିଲାଣ୍ଡ ବିଜୟୀ ହୋଇଥିଲା । ଦ୍ବିତୀୟ ଟି୨୦ ମ୍ୟାଚରେ ଭାରତ ନ୍ୟୁଜିଲାଣ୍ଡକୁ ୬ ୱିକେଟରେ ପରାସ୍ତ କରିଥିଲା । ତେବେ ଏହି ସିରିଜ ଜିତିବାକୁ ହେଲେ ତୃତୀୟ ଟି୨୦ ମ୍ୟାଚ ହାତେଇବାକୁ ଉଭୟ ଅପ୍ରାଣ ଉଦ୍ୟମ କରିବେ ।